黃毛果蝠

黃毛果蝠（Eidolon helvum）係喺非洲大陸廣泛地區都揾到嘅大蝙蝠。分布嘅地方，由阿拉伯半島開始，一路延伸到撒哈拉沙漠南面嘅大半個非洲，最遠去到馬達加斯加。但係，因為人類活動嘅關係，蝙蝠嘅數量已經開始跌，到依家有大概由10萬到1,000萬不等。黃毛果蝠屬於果蝠之中，比較大隻嘅品種。

How to read a taxobox 黃毛果蝠
瀕危指標
就快受威脅（Near Threatened） (NT)
物種分類
界 動物界 門(Divisio): 脊索動物門 綱 哺乳綱 目 翼手目 科 Pteropodidae 屬 Eidolon 種 E. helvum
二元學名
Eidolon helvum Kerr, 1792
藍色部分係黃毛果蝠嘅分布地

外觀

佢嘅外觀因為一般都係一種類似稻草嘅黃色，所以又叫做“稻草色果蝠”。蝙蝠對翼係黑色嘅，塊面就白雪雪，而背脊嘅毛就係啡黃色。公通常係起眼嘅橙色，而乸就通常係黃白色。蝙蝠有好大塊面、眼、同埋耳仔。

佢哋平均嘅重量係8到12安士左右（230至340克），身長5.7至9英寸（14至23厘米），計埋翼嘅濶度就可以去到30英寸（76厘米）。大細之中，公一般都係大過乸。蝙蝠嘅心臟非常之大，佢哋嘅翼嘅形狀係類似圓錐，而塊面亦好似一個大袋咁嘅樣。

生活

黃毛果蝠係一種高度社會化嘅物種。蝙蝠一般住嘅群體，有至少10萬隻，甚至可能係差唔多100萬。到夜晚，蝙蝠就會離開棲息地方，一個個小組咁用視覺同嗅覺嚟揾嘢食。有人觀察到佢哋用咬軟木嘅方法嚟吸收水分。呢啲蝙蝠亦都可以喺森林度傳播花粉同埋種子。因為有經濟利益而已經越嚟越少見嘅非洲柚木樹 Milicia 棕竹，係靠黃毛果蝠嚟傳播種子嘅。

雖然啲蝙蝠一般都係喺夜晚期間活動，但係並唔一定係日頭唔出沒。佢哋喺日頭好多時都會喺唔同嘅群組度休息同活動。喺每一年同季，蝙蝠都會返到去佢哋上一年揾到嘢食嘅地方。

飲食

佢哋嘅飲食視乎佢哋係野生定係人養。野生嘅蝙蝠通常會食樹皮、花、葉、花蜜、同埋生果。如果係人養，就會有更加多嘅嘢食，包括蘋果，桔，香蕉，提子同埋哈密瓜。喺某啲動物園，佢哋亦都會畀人訓練到有類似一隻狨嘅飲食習慣。

分佈

黃毛果蝠係非洲分佈最廣嘅果蝠，其中大部分都係喺撒哈拉沙漠以南嘅氣候，通常都係喺有好多森林同草原嘅地方。佢哋亦都可以喺城市地區度住，海拔最高可以高到 2,000米（6,600英尺），而蝙蝠都鍾意喺高大嘅樹度棲息。

睇埋

• 南非哺乳動物

資料

• Mickleburgh, S., Hutson, A.M., Bergmans, W., Fahr, J. & Racey, P.A. 2008. Eidolon helvum. In: IUCN 2009. IUCN Red List of Threatened Species. Version 2009.1. www.iucnredlist.org.