黃華路
黃華路（粵拼：wong4 waa4 lou6）係中國廣東廣州嘅一般馬路，南北走向。南邊從東風東路開始，一直向北去到北較場路嗰頭。
| ||||||||||||||||
 黃華路嘅路牌 | ||||||||||||||||
| ||||||||||||||||
概要 編輯
全長750米，闊9米，雙向2車道。
史 編輯
黃華寺 編輯
1644年，愛國詩僧函可大師喺廣州城外小北度嘅黃花塘度起咗個寺院，改咗名嗌「黃花寺」。後嚟函可因為用私史形式寫咗清兵係點衰法，結果俾清政府拉咗去京城度接受嚴刑，重差啲連命都冇埋。好彩係佢老鬥——洪承疇呢派有好多人睺實嗮，令到函可唔使死，就喺1648年拉咗去瀋陽嗰邊。而函可去咗中國北邊就冇再返過嚟廣州嘅黃花寺喇。雖然話黃花寺喺清朝冧咗，但係附近一帶重有黃花塘同黃華鄉喺度，由於以前「花」同「華」字相通，所以嗰陣嘅黃花寺就成日俾人嗌做「黃華寺」，而且重好㷫下。喺開咗條馬路之後，由於呢度之前有黃華寺嘅歷史，所以啲人就叫呢條路做「黃華路」。
血淚灑黃華 編輯
喺抗日戰爭啱啱開打無耐，廣州係國民政府軍同海外聯繫嘅一笪地，亦係中國從英美輸入抗戰物資嘅口岸，所以激親啲日本人，為咗唔想俾英美喺香港度傳啲抗戰物資入嚟中國大陸，佢哋就決定嚟搞掂廣州先。
1937年7月7號盧溝橋事件爆咗之後，華北嘅北平、太原，華東嘅上海、南京都入嗮打仗時期，連華南嘅廣州都捲入埋戰爭。喺1938年8月13號，日軍戰機殺到廣州。之後成個廣州就淪陷，喺跟住落嚟嘅14個月入面，日軍出咗900幾部戰機，炸死咗6000幾位廣州當地嘅居民，重整傷咗差唔多成8000人，整冧咗4000幾間房屋、差唔多成百部船都爛埋，轟炸嘅密度拍得住重慶嘅轟炸。但華北同華中喺度打緊仗，搞到日軍唔想而家搞掂埋華南地區，重有成個廣東都係英美法軍嘅勢力範圍，雖然話日軍好想搞掂埋華南嘅廣東，但係喺戰爭初期就唔想嚟搞搞震。
日軍喺1938年5月30號同1938年6月10號炸咗黃華塘村兩次，搞到成個村都變咗廢墟，死咗百幾位村民，而黃華塘就變咗「血水塘」。有唔少當地嘅村民估日軍係炸錯咗黃華塘村。因為當時喺黃華塘村冇幾遠有間黃華兵工廠（而家係廣州市委黨校）喺度，日軍想炸咗間兵工廠，但係炸錯咗黃華塘村度。重有人估係日軍想亂咁炸嚟殺死嗮啲平民嚟瓦解中國軍民嘅抵抗。喺1945年8月15號日軍投降之後，黃華村啲人組織咗追悼殉敵會嚟追悼啲死難者，重喺個村度起咗嚿寫住「血淚灑黃華」五個大字嘅石碑嚟唱衰啲日軍點衰法，同埋村民點解會死得咁慘。
家下呢嚿碑亦係廣州市級文物保護單位。
經過嘅道路 編輯
呢度啲路嘅順序係從北去到南嚟排嘅，其中加粗咗嘅字係主幹道：
特色 編輯
呢條馬路兩邊主要係一啲廣東省政府部門嘅住宅同總部，附近重有間學校響度。
連出去 編輯
- 广州地名故事之黄华路 問問看社區
- 因寺而得名的黄华路 金羊網旅遊吧
- 广故事 | 讲广州故事-品广州文化 » Blog Archive » 落寞黄华碑——黄华路的“血”和“泪” 網易博客
- 【第16期】（“血泪洒黄华”碑）屠城有血证 勒石记暴行 廣州圖書館
- 落寞黄华碑——黄华路的“血”和“泪” 大洋網