黑翅長腳鷸

黑翅長腳鷸，又名紅腿娘子或高蹺鴴（台灣名）。

How to read a taxobox

黑翅長腳鷸

黑翅長腳鷸(攝於香港濕地公園)

瀕危指標

最唔使理（Least Concern） (LC)

物種分類

界	動物界 Animalia
門	脊索動物門 Chordata
綱	鳥綱 Aves
目	鴴形目 Charadriiformes
科	反嘴鷸科 Recurvirostridae
屬	長腳鷸屬 Himantopus
種	黑翅長腳鷸 H. himantopus

二元學名

Himantopus himantopus
Linnaeus，1758

分類

黑翅長腳鷸嘅分類一直存有爭議，有啲人認為佢可以分為5個品種，亦有啲人認為呢個種有啲係亞種。北美洲嘅黑翅長腳鷸喺眼後面有一塊白斑，喺鳥類DNA分類系統中，被認為係一個種Himantopus mexicanus。

黑翅長腳鷸嘅北美亞種

生態環境

黑翅長腳鷸鍾意群體活動，鍾意沿海嘅淺水同淡水沼澤地帶。亦都見於湖泊、沼澤、魚塘、養蝦池以及河流中有平緩水面嘅開闊地帶，亦棲息喺近水嘅草地農田。因為對腳較其他鷸長，可以喺水位較深嘅池塘度涉水搵食。

分布地域

黑翅長腳鷸分布喺歐洲東南部至南部、印度、中國同東南亞、北非、澳洲、加拉巴戈斯群島、夏威夷、加拿大中部同南部、美國西部同東南部。中國嘅新疆西部、青海東部同內蒙古西北部繁殖，喺台灣、廣東同香港等地過冬，全境有過境紀錄。

特徵

黑翅長腳鷸嘅BB

黑翅長腳鷸身形修長，身長有35厘米，身體黑白分明，一對紅色嘅長腿好容易辨認。黑翅長腳鷸嘅咀黑色細長，雄鳥嘅繁殖羽從眼後面到頭頂，頸後黑色，背部同翅為黑色，但同頸後嘅黑色唔相連，其他部位為白色；雌鳥嘅繁殖羽喺頭同頸後無黑色，眼後有灰色斑。亞成體嘅鳥色塊分布接近成鳥，但色水較淺，為灰褐色。黑翅長腳鷸嘅腿同跗趾都好修長，為紅色，亞成體鳥嘅腿顏色略淺，明顯嘅橙紅色；飛嗰陣長腿拖喺尾後，係重要嘅辨認特徵。虹膜粉紅色。

叫聲：