俄國革命

  呢篇文講1917年發起嗰次。想搵1905年發起嗰次嘅話，請睇俄國革命 (1905年)。

俄國革命（粵拼：ngo4 gwok3 gaak3 ming6），又叫俄國大革命（ngo4 gwok3 daai6 gaak3 ming6），通常係指俄國人民響1917年搞嘅一連串革命運動，最後推翻俄羅斯帝國而建立俄羅斯蘇維埃聯邦社會主義共和國。

俄國革命入面聖彼得堡嘅士兵

呢次革命嘅背景係俄羅斯帝國‎參加第一次世界大戰，俄軍節節敗退，死傷慘重，加上俄國好多嘅社會問題，所以發生呢次革命。

俄國革命主要分兩次，第一次喺1917年3月（儒略曆1917年2月）爆發，稱為二月革命，推翻咗沙皇統治；第二次喺1917年11月（儒略曆1917年10月）爆發，稱為十月革命。