2019年湖南衛視電視劇、節目一覽
(由2019湖南衛視節目巡禮跳轉過嚟)
呢度列出2019年由湖南衛視首播嘅戲劇節目（僅限夜晚時段首輪上星播出嘅戲劇節目）同綜藝節目。2019年嘅節目將喺湖南衛視同湖南衛視高清頻道同步播出。而喺新媒體方面，芒果TV會繼續實行版權分銷制度。部分節目除咗會喺芒果TV上線播出外，亦會喺其他影片網站上線播出。
劇集 編輯
2019年之前，湖南衛視喺夜晚時段共有兩個劇場，分別係「金鷹獨播劇場」，喺星期日夜晚7點半－夜晚10點、星期一至星期四夜晚8點10分－夜晚10點兩集連播，星期五至星期六夜晚7點半－夜晚8點20分單集播出；「青春進行時」，喺逢星期一至星期四夜晚10點播出。
2019年開始，「青春進行時」改做逢星期一至星期三夜晚10點播出（第一個星期六集播出時間分別係2018年12月28號、2019年1月2號同3號），之後喺4月8號至25號改做逢星期一至星期四夜晚10點播出（其中，4月25號係單集播出，5月5號因頻道特殊編排而將原定喺5月1號播出嘅劇集改做當日播出）。
2019年7月21號開始，湖南衛視「金鷹獨播劇場」喺逢星期日嘅播出時間改做逢8點10分－夜晚10點，集數唔變。10月21號開始，「青春進行時」改做逢星期一至星期四夜晚10點播出。