2022年習近平訪問香港

2022年香港主權移交中華人民共和國廿五週年,中國共產黨中央委員會總書記習近平依慣例再次訪問香港,同時出席新一任行政長官李家超上任就職儀式。受疫情影響,習近平只係分別喺6月30號下晝同7月1號朝早兩度逗留香港,中途返深圳過夜,同時改搭高鐵西九龍站出入境。呢次係習近平第三次以「黨同國家領導人」身分;第二次以「中共中央總書記、中國國家主席、中央軍委主席」身分訪問香港。自武漢肺炎疫情喺2020年1月爆發後,習近平就無離開過中國大陸外訪或出境視察港澳地區,呢次訪問引起唔少媒體關注,但因應交通管制、大幅度封區影響市民返工放工、記者採訪新聞自由被阻以及有民主派團體事前被警察國安處「招待」,引起咗一啲爭議同批評。

事前公佈同準備 編輯

  • 2022年6月25號,新華社發出新聞稿,指習近平將出席慶祝香港回歸祖國25周年大會暨第六屆特區政府就職典禮[1]
  • 香港01》喺2022年6月25號收到消息,話喺香港西九龍站外發現站內有大量錄影器材,包括轉播用影音控制台等,工具箱上有「中央廣播電視總台」字樣,以及該台英文簡稱「CMG」嘅標誌。港區全國人大代表田北辰表示,估計若北京領導人訪港,只會即日來回,有可能先到深圳或廣州,第二日一早乘坐高鐵抵港[2]

交通管制同封區安排 編輯

因應習近平訪港,被封區安排影響嘅地方遍佈港九新界,包括灣仔銅鑼灣中環沙田大埔粉嶺觀塘等。而習近平喺30號搭乘高鐵嚟到香港時,政府亦封閉高鐵西九龍站[3][4]。有部分市民就形容,咁樣封區實在跨張[5]

灣仔、銅鑼灣 編輯

6月29號起,香港警察就喺習近平嘅主要活動範圍灣仔會議展覽中心以及附近街道,甚至去到銅鑼灣高度布防,包括封鎖部分馬道、檢查通過車輛,會展站喺30號起亦要關閉。另外,維多利亞港上空亦設立禁飛區[6][7][8][9],甚至任何未經授權嘅飛行物,都會被擊落[10]

中環 編輯

灣仔同銅鑼灣封區亦令中環出現大塞車。中環灣仔繞道部份路段封閉,東區走廊往中環方向、告士打道中環方向嘅交通亦非常繁忙[11]

沙田同埋以北地區(大埔、粉嶺) 編輯

習近平其中一程係到訪科學園,喺6月29號同30號,科學園都實施特別交通安排,停車場唔畀用,警察又大幅度限制喺嗰度返工嘅人嘅活動範圍,有啲人甚至因此冇得返工[12]。喺30號,警察亦將大部分範圍封鎖,又出動咗國產裝甲車「劍齒虎」[13]。喺30號晚上8時,吐露港往九龍方向科學園附近位置所有行車線全部封閉,龍尾去到粉嶺大老山隧道禁止車輛駛入[11]。另外,有啲車輛因為大規模分區改行將軍澳隧道,令將軍澳隧道交通非常繁忙[11]

觀塘 編輯

封區嘅影響亦延伸到都其他地區,其中觀塘偉業街轉上將軍澳線封閉,有司機「拉手掣」停車等咗近1小時。亦有有市民表示傍晚6時喺觀塘放工,8時半先返到去啟德[11]

對出席嘉賓嘅防疫要求 編輯

所有參加大會同就職典禮嘅港府官員同嘉賓,都要入住會展中心旁嘅酒店,以便進行閉環式管理[6]

記者採訪新聞自由被阻 編輯

部分駐港外媒機構未獲准採訪,包括《日本經濟新聞》、《朝日新聞》、台灣中央社、加拿大《環球郵報》、大型圖片通訊社Getty等,亦包括喺新聞處發布系統有登記嘅香港自由新聞獨立媒體等網媒[14][15]

去到6月28號,香港記者協會發布聲明,指香港政府新聞處以「保安理由」要求多家獲邀嘅傳媒機構,撤換至少十名已報名採訪「七一」活動嘅記者,受影響嘅傳媒機構包括《明報》、《香港01》、《南華早報》、now新聞台同埋法新社等至少七家本地同外地大型通訊社、報紙、電子傳媒同網媒。協會批評政府提供空泛嘅拒絕理由,嚴重損害香港嘅新聞自由,促請港府盡快安排補救措施,保障採訪權利[14]。去到29號下午,有記者依照要求入住隔離酒店「閉環」,但去到酒店臨門一腳先知道自己被取消資格,當中包括《香港01》、《經濟日報》同埋無綫新聞嘅記者[16]

另外,之後記者就算成功入到去採訪,都要被警察搜索隨身行囊,就算落雨,警察都要求佢地收起部分雨具[5]

部分民主派人士被國安「招待」 編輯

6月28號,香港社民連主席陳寶瑩喺社交媒體表示,社民連部分義工同佢哋嘅朋友喺6月29號被國安警察約談,經評估形勢後,喺「七一」當日無辦法進行示威活動,又話「形勢艱難,祈請見諒。」[14][17]。另外,吳文遠喺29號晚上喺社交網站發文表示「抱歉,我依家坐緊監」、「不准見主席的人也需要閉環管理」。去到30號嘅時候,社民連透露主席陳寶瑩、前主席黃浩銘吳文遠等6名成員喺禮拜三被警方國安處警員搜查住所同埋帶往警署「約談」,要求佢哋7.1期間唔好示威[18]

比較以往香港主權相關儀式活動嘅安排 編輯

比較2022年呢次安排同1997年香港主權移交前一日,當年記者能夠近距離拍攝現場,中外記者佔能夠捕捉到彭定康總督為女兒拭淚嘅感人畫面,見證歷史嘅重要時刻。另外,當年警察亦設有示威區,畀異見人士表達訴求[11]

對於習近平唔喺香港過夜安排嘅討論 編輯

對於習近平唔喺香港過夜嘅安排,外界眾說紛紜,推測背後原因包括天氣原因、防疫考慮、後勤安保人員安排等。《香港01》就話習近平咁做係以身作則推動粵港澳大灣區融合發展,港深一體化發展嘅理念。不過,有啲香港網友就唔認同,有人質疑咁重視大灣區,可以把就職典禮搬到大灣區舉行,也有人諷刺話怕傳染就照直講,點解有人為佢洗地,又有人批評即日來回來回浪費納稅人嘅錢[19][20]

後來同年8月,時任美國眾議院議長佩洛西到訪台灣,中國外交部攻擊呢次訪問係「竄訪」嗰陣,有人反指習近平到訪香港時即日來回嘅行徑更加似係「竄訪」[21]

其他對習近平訪港安排嘅評論 編輯

  • 時事評論員桑普話,習近平冒著染疫、被政變甚至被暗殺嘅風險,仍要訪港,目的係要展示自己大權在握同埋達成咗『二次回歸』,顯示佢已經全面管制香港[8]
  • 香港城市大學公共政策學系助理教授劉冬舒評論話,北京要宣示香港已經穩定落嚟,恢復咗香港政治秩序[22]
  • ReNews喺報導唔同媒體記者採訪新聞自由被阻嘅爭議時,就話香港政府對今年回歸慶典採訪審查史上最嚴,以前就連《蘋果日報》都可以派人採訪,今次反映香港傳媒自由急劇收窄,類似中國大陸嘅審查機制似乎亦引入香港[16]
  • 香港記者協會主席陳朗昇表示對政府安排感到失望,質疑既然咁多本地同海外媒體都關注,點解唔係去借機會爭取多啲支持,形容做法好難睇[16]
  • 對於社民連多名成員喺習近平訪港前夕被打壓,社民連批評,強調和平請願係《基本法》賦予的權利,警方如臨大敵嘅態度,社民連深感遺憾同荒謬。而美國《華爾街日報》形容,習近平訪港標誌着鎮壓異見者嘅高潮(Climax of Crackdown on Dissent)[18]
  • 高登音樂台因應習近平訪呢次訪港導致各區塞車,將歌曲《血染的風采》惡搞成為《塞車的風采》,歌詞揶揄習近平係皇帝,除咗搞到香港大塞車之外,仲影響民生,交通問題搞到好多人都喺落雨天之下濕晒[23]
  • 台灣惡搞媒體眼球中央電視台報道呢次習近平參與嘅新一屆香港政府官員就職典禮,以香港淪陷25年為標題,繼續以『維尼』稱呼習近平,又將中國共產黨形容為『赤匪』,相關港府官員係傀儡,仲大篇幅咁報導鄧炳強同林鄭月蛾喺台下訓著[24]

參考來源 編輯

  1. 近平將出席慶祝香港回歸祖國25周年大會暨香港特別行政區第六屆政府就職典禮. 新華網. 2022-06-25. 喺2022-06-25搵到.
  2. 近平7.1將出席香港回歸慶典 傳可能乘高鐵到訪. . 2022-06-24. 喺2022-06-25搵到.
  3. 近平首次搭高鐵抵港 港府封站迎接. tw.news.yahoo.com (中文). 喺2022-06-30搵到.
  4. 近平訪問香港 西九龍高鐵站封閉 (圖). tw.news.yahoo.com (中文). 喺2022-06-30搵到.
  5. 5.0 5.1 方多處嚴密布防 設傳媒採訪區搜查記者隨身物品. Now 新聞 (香港中文). 喺2022-06-30搵到.
  6. 6.0 6.1 近平今訪香港 警方持續高度布防地鐵、禁飛區蘋果新聞網|蘋果日報. AppleDaily (中文). 喺2022-06-30搵到.
  7. 歸25|習近平訪港期間交通影響一覽. hk.news.yahoo.com (中文). 喺2022-06-30搵到.
  8. 8.0 8.1 近平夫婦戴口罩現身香港 - 大紀元. 紀元 www.epochtimes.com (繁體中文). 2022-06-30. 喺2022-06-30搵到.
  9. 近平訪港仔北及港島多處封路改道 一文看清交通安排 - 香港經濟日報 - TOPick - 新聞 - 社會. topick.hket.com. 喺2022-06-30搵到.
  10. 道持軍用手槍透行刺企圖? 習近平訪港不過夜 縮時又減量有玄機 | 中國. Newtalk新聞 (中文). 2022-06-29. 喺2022-06-30搵到.
  11. 11.0 11.1 11.2 11.3 11.4 權移交25年|回帶1997年6月30日 禮遇、保安、採訪大不同. . 2022-07-01.{{cite news}}: CS1 maint: url-status (link)
  12. 陳傲淇, 魯嘉裕, 林朗天 (2022-06-29). 歸25周年|科學園今午起分階段封路 大批警員加強巡邏. 港01 (香港中文). 喺2022-06-30搵到.
  13. 何瑞芬 (2022-06-30). 歸25周年|習近平訪科學園前 有穿英國旗雨衣記者被帶離採訪區. 港01 (香港中文). 喺2022-06-30搵到.
  14. 14.0 14.1 14.2 近平訪港草木皆兵 多家媒體記者採訪被拒. www.ntdtv.com (繁體中文). 2022-06-30. 喺2022-06-30搵到.
  15. 近平抵香港先讚一國兩制 本地和外媒10多名記者申請採訪遭拒 -- 上報 / 國際. www.upmedia.mg. 喺2022-06-30搵到.
  16. 16.0 16.1 16.2 港社民連被國安警約談七一不示威 多家傳媒記者被拒採訪回歸慶典. . 喺2022-06-30搵到.
  17. 港社民連被國安警約談七一不示威 多家傳媒記者被拒採訪回歸慶典. . 喺2022-06-30搵到.
  18. 18.0 18.1 權移交25年|社民連6名成員遭國安警 吳文遠:抱歉,我依家坐緊監. . 2022-06-30.{{cite news}}: CS1 maint: url-status (link)
  19. 杭子牙 (2022-06-29). 歸25周年︱習近平訪港即日往返 背後有何玄機?. 港01 (香港中文). 喺2022-06-30搵到.
  20. 近平訪問香港2天卻不過夜 背後有何玄機? -- 上報 / 國際. www.upmedia.mg. 喺2022-06-30搵到.
  21. 近平訪港不敢過夜 矢板明夫:一怕染疫二怕抗議. Yahoo News (中文). 喺2023-03-20搵到.
  22. 關893天 習近平終於要走出中國了 | Anue鉅亨 - 大陸政經. Anue鉅亨 (臺灣中文). 2022-06-30. 喺2022-06-30搵到.
  23. 登音樂台 HKGolden Music - 佚名-塞車的風采 #回歸25週年 | Facebook. www.facebook.com (英文). 喺2022-07-02搵到.
  24. 聞聯播港淪陷25年!林鄭月娥交接到睡著 港生被迫哀唱和我的祖國眼球中央電視台 (英文), 喺2022-07-02搵到