Agar.io

《Agar.io》（中國大陸通譯為「細胞吞噬」），網址係agar.io，係由馬特烏斯·瓦拉達里斯（葡文：Matheus Valadares）製作，2015年4月推出嘅免費網頁大型多人動作遊戲。玩家喺地圖入面，控制自己嘅細胞儘可能吞噬其它細嘅細胞，並躲開大細胞嘅吞噬。遊戲名「Agar.io」源自「agar」一詞，即係培養細菌嘅瓊脂（大菜）。

《Agar.io》獲得唔少正面嘅評價。媒體主要稱讚遊戲嘅簡單、對抗性，同埋佢嘅機制，批評聲集中於遊戲系統單調。遊戲Steam下載版嘅製作消息喺2015年5月公開，iOS同Android版由Miniclip喺同年7月發行。這個遊戲亦開啟咗一波「.io類遊戲」嘅潮流，俾多人競技、有成長機制、快速重生嘅特色成為咗2015年起幾年嘅網絡遊戲特色。