打波地

  呢篇文講香港一笪舊地方。想搵廣義嘅打波地嘅話，請睇波地。

打波地（英文Cricket Ground），香港舊日一地，喺中環，今日遮打花園個位。西便臬署，今終審法院大樓。南便皇后大道，過馬路為操兵地，今日長江中心。北便未填海時，有英軍總船椗泊，填海後有新公司，即今日叫香港會所。

一九五三年，向南望，相中間就係打波地

塊地原本係香港木球會個場，一八五一年所立，為打木球而設，主要草地，東北角有臨時亭，後起永久，畀打波者休息用。佢四面都有曲欄，草地時時修短。

一八九〇年填海，干諾公爵所立石碑。

一八九〇年四月二號，英國干諾公爵打波地立碑，中環填海奠基。碑在西北角。一九〇〇年代，西南角起多個亭。一九二三年，建兩層高會所。一九三六年，打波地兼做草地滾球。

一九四一年香港淪陷，打波地停開，日軍用來做弔陣亡者場地。

一九五〇年代，又做埋擊球。一九七五年起地下鐵路，香港木球會搬去黃坭涌峽，打波地變建築地盤。一九七八年，改成遮打花園。