開主選單

Imagine》係一首英格蘭音樂家約翰連儂創作同演奏嘅歌,係佢獨唱生涯最佳銷售單曲。歌詞帶有集體主義實證主義,挑戰聽眾去想象一個冇宗教派別、民族界限造成嘅戰火同隔閡嘅世界,並且討論咗人生活喺更少物質財富世界嘅可能性。

Imagine
John Lennon單曲
收錄專輯 Imagine
B面 "It's So Hard"(美國)
'"Working Class Hero"(英國)
發行 1971年10月11號(美國)
1975年10月24號(英國)
格式 7吋黑膠唱片
錄製 1971
輕搖滾[1]
時長 3:02
唱片公司 Apple Records
製作人 John Lennon、Yoko OnoPhil Spector
John Lennon單曲年表

"Power to the People"
(1971年)
"Imagine"/"It's So Hard"
(1971年)
"Happy Xmas (War is Over)"/"Listen, the Snow is Falling"
(1971年)

呢首歌同同名專輯係連儂、小野洋子菲爾·斯佩克特一齊整嘅。連儂喺英格蘭騰哈思公園嘅家庭錄音室入面從1971年5月開始錄,2個月後喺紐約市唱片工場最後混音。9月,密紋唱片發行,10月,連儂又喺美國出單曲。首歌喺告示牌百強單曲榜上咗第3名,又喺11月英國榜單上咗第1名,係連儂獨唱生涯入面中最賺錢同最受好評嘅歌。1975年,《Imagine》作為單曲,同專輯Shaved Fish一齊喺英國發行。呢個唱片係當年英國排行榜上嘅第6名。喺英國,呢首歌出售過160萬份拷貝,喺連儂1980年12月過世時成為咗榜單中嘅第1名。

BMI將《Imagine》列為20世紀入面,演唱最多嘅100首歌曲之一。最後贏咗格萊美名人堂獎,列入搖滾名人堂500首定型搖滾音樂嘅歌曲。《健力士世界紀錄英國單曲》一書進行嘅調查,將佢評選做有史以嚟排名第2嘅單曲,《滾石》雜誌將呢首歌列喺「有史以來500首最偉大的歌曲」第3位。從2005年以嚟,組織者喺紐約時代廣場新年鐘聲敲響前播放呢首歌。好多藝術家翻唱咗呢首歌,包括艾頓莊麥當娜史提夫·汪達尼爾·楊

認知

 
英格蘭利物浦約翰連儂和平紀念碑

《滾石》雜誌認為《想象》係連儂「送畀世界的最偉大嘅音樂禮物」,讚首歌「安詳嘅旋律;柔軟嘅和旋;令人心動嘅四音符鋼琴演奏」[2]。首歌出現喺一啲歌曲評選中。1999年,BMI將《Imagine》列為20世紀,演奏最多嘅100首歌曲之一[3]。同年,贏到格萊美名人堂獎,列為搖滾名人堂500首定型搖滾音樂嘅歌曲之一[4]。 Triple J 將呢首歌排名喺有史以嚟100首歌曲最熱歌曲入面第11[5]。《想象》喺2000年評選嘅有史以嚟英國最佳銷售單曲入面第23名[6]。 2002年,喺健力士世界紀錄組織嘅民意調查「英國人最喜歡嘅單曲」入面,《Imagine》喺皇后樂隊嘅《波希米亞狂想曲》之後,排名第二[7]。Gold Radio將呢首歌列做「1000最佳歌曲」第三[8]

2004年,《滾石》雜誌將呢首歌列喺「有史以來500首最偉大嘅歌曲」第三位[2]。雜誌評價呢首歌「喺1980年連儂遇刺同毛骨悚然嘅九一一咁嘅椎心泣血中帶畀我哋慰藉與希望嘅不衰旋律。而家好難想象一個冇《想象》嘅世界,而且我哋而家比以前更需要佢[2]。」儘管有人咁樣認為,清晰頻道通信公司重將呢首歌包括喺9/11後「不播」清單[9]。2005年1月1號,加拿大廣播公司喺節目50 Tracks入面,根據觀眾評選將《想象》列做過去100年入面最偉大嘅歌之一[10]。由於歷史重要性,呢首歌喺美國唱片業協會嘅265首世紀之歌中排名第30[10]Virgin Radio喺2005年12月進行嘅聽眾調查,聽眾將呢首歌列喺第一位[11]。2006年9月12號,喺Nine Network20 to 1入面,澳大利亞人將呢首歌評選做有史以嚟最偉大嘅歌。而喺2009年7月11號,澳大利亞面向年輕人嘅電視網Triple J嘅評選入面,當選有史以嚟100首最佳歌曲入面排第11位[12]

2006年,占美·卡特話「我去過世界上嘅好多國家——我同老婆訪問大概125個國家——對約翰連儂嘅歌曲《想象》同國歌播放嘅頻率幾乎相約」[13]。小野洋子畀冰島嘅一座塔起名做想象和平塔[14]美林市訴薩瑪姆案係關於公共場所可唔可以使用宗教標語嘅案件,喺2009年2月25號,美國最高法院做咗判決。判決書嘅註2入面引用咗呢首歌嘅歌詞:

What, for example, is "the message" of the Greco-Roman mosaic of the word "Imagine" that was donated to New York City's Central Park in memory of John Lennon? ... Some observers may "imagine" the musical contributions that John Lennon would have made if he had not been killed. Others may think of the lyrics of the Lennon song that obviously inspired the mosaic and may "imagine" a world without religion, countries, possessions, greed, or hunger.[15]

2010年10月9號,連儂70歲冥壽時,喺英格蘭利物浦查維斯公園約翰連儂和平紀念碑揭幕儀式入面利物浦手語合唱團表演咗呢首歌同其他歌[16][17]利物浦約翰連儂機場嘅廣告語係呢首歌嘅一句歌詞「我哋上面只得一片天」。披頭四製作人佐治馬田稱讚連儂嘅獨唱,認為「最喜歡嘅係《想象》」[18]嘅音樂評論家。Paul Du Noyer將首歌描述做連儂喺披頭四樂隊之後「最受尊敬」嘅歌[19]

著名表演同翻唱

 
2002年,小野洋子喺倫敦皮卡迪利圓環購買廣告,顯示歌詞「想象所有人都生活喺和平之中」[20]
  • 1990年10月9號,超過10億人喺連儂50歲冥壽收聽呢首歌嘅廣播[25]
  • 從2005年開始,組織者開始喺紐約時代廣場新年鐘聲敲響前播放呢首歌[29]。從2011年開始,現場演唱取代播放錄音。
  • 2011年,歌手Cee Lo Green喺新年前夜唱呢首歌時,將歌詞「都冇宗教」改做「所有宗教都係啱」(and all religion's true)[32]。部分粉絲立刻表示反對,認為改連儂最有名歌曲嘅歌詞係對佢嘅不敬。Green辯解話更改歌詞係為咗描述 "a world [where you] could believe what [you] wanted"[32]
  • 2012年,倫敦奧運會閉幕式入面響起呢首歌。利物浦兒童愛樂樂團同利物浦手語合唱團首先表演咗第一節,剩返嘅部分就播放咗連儂原始嘅錄音。連儂演奏嘅影像都透過現場嘅大屏幕重現。呢個係對原始八軌道錄音嘅首個改編版本。[33]
  • 2017年,杜麗莎喺《歌手2017》第一輪排位賽翻唱過,攞到歌手互投第1名、觀眾聽審第3名。

超過140位藝術家翻唱咗《Imagine》[34]

參考

  1. http://www.pandora.com/music/song/john+lennon/imagine
  2. 2.0 2.1 2.2 Wenner 2010, p. 13.
  3. "BMI Announces Top 100 Songs of the Century". BMI. 13 December 1999. 喺24 September 2012搵到. 
  4. For the "Grammy Hall of Fame Award" see: "Grammy Hall Of Fame: Past Recipients". Grammy.org. 喺11 October 2012搵到. ; For the "500 Songs that Shaped Rock and Roll" see: "Songs that shaped Rock and Roll: "Imagine"". The Rock and Roll Hall of Fame. 1999. 喺17 October 2012搵到. 
  5. "Hottest 100 of All Time". Triple J. 2009. 喺24 September 2012搵到. 
  6. The UK's Best Selling Singles UK Charts. Retrieved 4 June 2011
  7. "Queen rock on in poll". BBC News. 8 May 2002. 
  8. "Gold's Top 1000". Gold's. (原先內容喺2014年10月6號歸檔). 喺2017年7月25號搵到. 
  9. Morello, Tom (November 2001). "The New Blacklist: The nation's largest radio network's list of 'questionable' songs". FAIR.org. .
  10. 10.0 10.1 Jackson, Andrew Grant (2012). Still the Greatest: The Essential Songs of the Beatles' Solo Careers. Scarecrow Press. 第 30頁. ISBN 978-0-8108-8222-5. .
  11. "SideFlower's Journal – Virgin Radio All Time Top 500 Songs –". Last.fm. 
  12. "Hottest 100 Of All Time". 
  13. Elliott, Debbie (5 November 2006). "Carter helps monitor Nicaragua presidential election". NPR. 
  14. Marter, Joan (2011). The Grove Encyclopedia of American Art, Volume 1. Oxford University Press. 第 596頁. ISBN 978-0-19-533579-8. .
  15. "Pleasant Grove City, Utah v. Summum" (PDF). U.S. Supreme Court. 25 February 2009. 喺9 March 2012搵到. 
  16. "Peace monument unveiled in Liverpool for John Lennon's 70th". Liverpool Daily Post. 9 October 2010. 
  17. "Imagine ... if he was still alive: Sculpture of Peace unveiled to mark John Lennon's life on his 70th Birthday". Daily Mail. 10 October 2010. 
  18. Coleman 1992, p. 370.
  19. Du Noyer 1971, p. 1.
  20. Ray, Alastair (4 March 2002). "Yoko Ono books prime ad spot in Piccadilly Circus". The Guardian. Guardian News and Media. 喺24 September 2012搵到. 
  21. Blaney 2007, p. 56.
  22. Urish & Bielen 2007, p. 27.
  23. "Elton John Concert Setlist at Central Park, New York on September 13, 1980". setlist.fm. 
  24. "14. Imagine (Queen-Live At Wembley Arena: 12/9/1980)". YouTube. 
  25. "Today in Music History: A look at events from past Oct. 9ths". The Provinence. The Canadian Press. 9 October 2012. (原先內容喺14 十月 2012歸檔). 喺11 October 2012搵到.  檢查日期值喺: |archive-date= (詳情).
  26. Frey, Jennifer (5 August 1996). "A Curtain Call in Atlanta". The Washington Post. 喺1 September 2012搵到. 
  27. "John Lennon and Neil Young: Jammin' with Neil". ThrashersWheat.org – A Neil Young Archives. 喺9 March 2012搵到. 
  28. For the inclusion of "Imagine" in the set-list for the Re-Invention World Tour, see: Timmerman, Dirk (2007). Madonna Live! Secret Re-inventions and Confessions on Tour. Maklu. 第 27頁. ISBN 978-90-8595-002-8. ; For the inclusion of "Imagine" in the DVD documentary I'm Going to Tell You a Secret, see: "I'm Going to Tell You a Secret - Madonna". Billboard.com. 7 July 2006. 喺13 October 2012搵到. 
  29. For "Imagine" being played in 2005's New Year's Eve celebration in New York see: "John Lennon's "Imagine" meets the DSM". Chestnut Hill Local. 17 May 2012. 喺19 October 2012搵到. ; For "Imagine" being played "in its customary spot leading up to midnight" during 2010's New Year's Eve celebration in New York see: "Hello 2010:Huge, Wet Crowd Rings In New Year In Times Square". NY1. 1 January 2010. (原先內容喺22 十一月 2012歸檔). 喺19 October 2012搵到.  檢查日期值喺: |archive-date= (詳情); For "Imagine" being played in 2011's New Year's Eve celebration in New York see:Golgowski, Nina. "Cee Lo Green changes lyrics to Lennon's Imagine to include pro-religion message enraging fans". The Daily Mail. 喺19 October 2012搵到. 
  30. "News In The World Of Genesis". Worldofgenesis.com. 
  31. "David Archuleta's 'Imagine' Tops The 'American Idol' Performance Poll". Newsroom.mtv.com. 23 April 2010. 
  32. 32.0 32.1 Cooper, Gael Fashingbauer (1 January 2012). "Fans angry that Cee Lo changed 'Imagine' lyrics". NBC News. (原先內容喺29 四月 2012歸檔). 喺19 October 2012搵到.  檢查日期值喺: |archive-date= (詳情)
  33. Makarechi, Kia (12 August 2012). "John Lennon & Closing Ceremony: Video Of Late Beatle Singing 'Imagine' Wows At London Olympics". The Huffington Post. 喺1 September 2012搵到. 
  34. "Second Hand Songs – Song: Imagine". Second Hand Songs project. 喺6 December 2010搵到. ; "Imagine a World With Only Good Covers". UpVenue. 20 February 2009. 喺10 January 2011搵到. 

出面網頁