Kiroro
日本女子歌唱組合
Kiroro（キロロ）係日本琉球人玉城千春同埋金城綾乃夾埋一齊嘅音樂組合。佢哋兩個都係來自沖繩縣中頭郡讀谷村[1]。
| Kiroro（キロロ） | |||||
|---|---|---|---|---|---|
| 組合 | |||||
| 國籍 |  日本 | ||||
| 語言 | 日文 | ||||
| 音樂類 | 日本流行音樂 | ||||
| 出道地 | 日本沖繩縣中頭郡讀谷村 | ||||
| 出道日期 | 1996年 | ||||
| 出道作品 | 長久（長い間） | ||||
| 代表作品 | 長久（長い間） 向着未來（未來へ） Best Friend | ||||
| 活躍年代 | 1996年至依家 | ||||
| 唱片公司 | 勝利娛樂（1998年至2016年） Colourful Records（勝利娛樂旗下，2018年至依家） | ||||
| 經紀公司 | Victor Music Arts | ||||
| 網站 | Kiroro offical web site | ||||
| 現任成員 | |||||
| 玉城千春（主唱） 金城綾乃（鋼琴、鍵盤） | |||||
| |||||
Kiroro個名係玉城千春小學去北海道池田町交流嗰陣，響當地聽返來嘅蝦夷話來嘅。Kiroru係人行嘅大路，而Kiroro-an就係大、強健、強盛嘅意思。佢哋就決定用Kiroro來做佢哋組合嘅名。
成員 編輯
玉城千春（たましろ ちはる/Tamashiro Chiharu）係組合嘅歌手。而金城綾乃（きんじょう あやの/Kinjou Ayano）就負責彈鋼琴或者鍵盤樂器。兩人係同年出世，玉城千春大少少，響1977年4月17號出世，而金城綾乃就1977年8月15號。
緣起 編輯
兩個都係讀沖繩縣立讀谷高等學校，而且係同級，不過佢哋去到高二因為同班先至識得。玉城千春喺初中已經寫歌，後尾佢知金城綾乃彈琴好叻，就搵佢聽下自己作品，而金城就好開心咁同佢填埋簡譜。之後兩個放咗學就成日去音樂室夾歌。
高中畢業之後，玉城千春就入咗長崎衛斯理仁大學讀短期中文。而金城綾乃就留返響沖繩讀醫務有關嘅專門學校。響讀書期間，因為大家要分開同埋第日都可能各奔前程，所以想去錄音室錄低佢嘅作品畀兩人自己留念。點之去錄好之後，錄音師見佢哋嘅作品好正，就叫佢哋不如獨立發行出一隻單曲碟，響沖繩度買。1996年佢哋就出咗長久（長い間）呢隻碟，竟然一出就賣咗一萬隻以上。電臺、電視臺播放率重好高添。
之後兩隻單曲碟《向着未來》同埋另一首都一樣咁好成績。
1998年1月21號，JVC睇中佢哋響沖繩咁好成績，就同佢哋全國發行長久呢隻碟。
參考 編輯
- ↑ "Profile | Kiroro official web site" (日文). 原先內容歸檔喺2019-05-04. 喺2020-08-19搵到.