Portal:時人時事/2007年7月

2007年7月

7月30號 瑞典藝術電影導演英瑪褒曼死喺屋企，89 歲。多人知嘅作品有《第七封印》、《夕陽舞曲》。(RTHK)(BBC) 義大利電影導演安東尼奧尼死喺屋企，94 歲。最為人所熟識嘅作品有《春光乍洩》、《愛神》。(CBC) (BBC) 7月29號 伊拉克打贏沙地阿拉伯，歷史上第一次捧走亞洲盃，全國慶祝，一日零六個鐘頭都冇爆到炸彈。(BBC) 第21屆日本參議院議員通常選舉，民主黨喺改選121席中攞到60席，執政自由民主黨得 37 席。首相安倍晉三話明唔會辭職。(BBC) 7月26號 報紙話「九龍皇帝」曾灶財喺呢個月 15號心臟病發死咗。（HK yahoo news） 7月24號 喺阿富汗塔利班綁架咗 23 個南韓人質，殺咗一個。（新浪網）（亞洲時報） 7月23號 英國水災係六十年最大一次，預期會繼續漲，幾萬居民冇水冇電。首相白高敦視察災情最嚴重嘅格洛斯特郡。（明報）（每日電訊報） (BBC) 7月21號 印度人選出 Pratibha Patil 做總統，係第印度一個女總統。(BBC) 哈利波特第七集大結局全世界同一時間賣，唔同嘅地方嘅哈利波特fan屎一早就排隊。(BBC)(Yahoo News 引星島) 7月19號 加拿大 Alberta 大學一隊電算師宣布，響最優着法之下，格仔棋（draughts）係盤和局。(BBC) (Scientific America) (Chessbase) 7月17號 一架由巴西阿雷格里港去聖保羅嘅巴西天馬航空3054號班機喺降落孔戈尼亞斯國際機場嗰陣衝出跑道撞入一間水泥建築，機上186個人同喺地面十幾人死曬。（CNN） 7月16號 日本新潟縣柏崎市外海發生 6.7 級地震，九死千幾人傷。（yahoo 中国）（NHK） （香港有線電視新聞） 聯合國國際原子能組職負責人巴拉迪證實，朝鮮的確已經閂咗寧邊核反應爐。（BBC 中文網） 7月15號 巴西隊以 3:0 贏咗阿根廷隊捧走2007年美洲杯足球賽隻盃。（新華網） 7月12號 長毛象 BB 出土，保存得好好，科學家話有望複製𠻹。(BBC)(Yahoo News 引明報) 美國前第一夫人詹森夫人喺德薩斯州奧斯汀屋企死咗，94 歲。 (CNN) 捷克兩個農場有禽流感，病毒類型未知。(路透社) 7月11號 中國禁用二甘醇做牙膏料；問題多多兼唔安全嘅中國貨嚇親美國人。(RTHK)(ABCNews)(BBC) 7月10號 巴基斯坦政府軍攻入紅色清真寺，8 個政府士兵同 50 個清真寺裏面嘅人死咗。(BBC)（CCTV） 7月9號 寒流吹襲南美洲，亞根廷首都布宜諾斯艾利斯響1918年以嚟第一次落雪。(BBC) 近日熱浪侵襲美國西部，蔓延到美國東北部。（彭博通訊社） 7月7號 新世界七大奇蹟選咗出嚟喇，聯合國（UNESCO）話個投票只係反映啲上到網嘅人嘅睇法。 (Daily Star)(CNN) Live Earth 氣候危機演唱會開啦。(BBC) 7月5號 戈爾為全球 Live Earth 系列音樂會做足準備。(CBC) 巴基斯坦軍隊包圍紅色清真寺，同裏面嘅人對恃，情況惡化。(CBC) 7月5號 俄羅斯嘅索契攞倒 2014年冬季奧林匹克運動會嘅主辦權。(BBC) 7月4號 世界第一單手機電池爆炸炸死人。（Yahoo HK news 引明報） 失宗近四個月嘅 BBC 記者約翰斯頓畀綁架佢嘅人放咗。(BBC) 中國江蘇省沭陽縣飲用水源受到污染，城區冇供水，廿萬人斷水。（BBC 中文網） 7月1號 開頭好多人話有恐怖襲擊，但係黛安娜王妃嘅十周年祭辰演唱會卒之響倫敦開咗，威廉同哈里王子上台演講，艾頓莊爵士同埋好多歌星騷咗成晚，募款全數捐畀全世界嘅窮細路。(BBC)