Talk:淡米爾文

本文包含嚟自 ta.wikipedia 《தமிழ்》嘅一個翻譯版本（1859144起）。

考慮改名編輯

最新留言：10 年前3則留言2個人參與討論

建議呢篇嘢改名做「淡米爾文」，跟星加坡嗰邊翻譯，因為「泰米爾」呢個名其實習非成是，喺佢哋嘅語言入面，開頭嘅t係唔送氣，所謂「泰米爾」應該係英文間接翻譯。臺灣嘅「坦米爾」，個「坦」字唔合粵音，因為佢哋語言入面係以-m收尾。星洲嗰邊有印度文化融匯，接續過呢隻語言，所以佢哋嘅譯音準過中國，兼且星洲語言音系同粵語相似啊。另，淡米爾文榮獲「印度古典語言」，嗰字尾改爲「文」。--S7w4j9 (傾偈) 2014年3月29號 (六) 17:33 (UTC)回覆

贊成。【粵語文學大使殘陽孤侠】粵維辭典起錨！ 2014年3月29號 (六) 19:48 (UTC)回覆

我唔反對。如果星洲人（尤其講粵語嗰班）普遍用呢個名，改名就成理，因為Tamil話係星洲法定語言之一。另外，對以上幾點，有啲補充／更正：

星洲唔單只「接觸」過Tamil話，直情將佢列作法定語言！
星洲語音同粵語相似？唔係啩？星洲有~75%華人，~20%馬拉人。而華人當中，多數人以閩南話為母語（其中唔少人都識粵語，但係唔係以粵語為母語），口語同臺灣更近（臺灣人多數講閩南話為母語，甚少識粵語），同粵語有唔細嘅差異。閩南話、馬拉話都有唔送氣嘅清音/t/同埋濁音/d/；粵語就無後者，而且有送氣嘅清音[th]，同唔送氣嘅[t]對比。

敦(傾偈) 2014-03-31T01:26:10+00:00

我認為星洲嘅語言個音韻類似咖。其實我係知道星洲多人講閩南話（有啲閩臺人至今唔忿，因為唔係推普──講華語運動，星洲可能就會似香港噉成為閩南話嘅文化中心、輻射點），雖然閩南話同粵語差異幾大，不過點講都好都似過北話（睇下家下大陸譯乜，香港就佢翻成傳統字……），畢竟粵客閩喺屬南部漢語群，呢三門語言共同特徵比如-p -t -k -m -n -ng嘅分野（閩南多個-h呢個混合入聲，應係宋以降漢語音韻演變痕跡），無顎化（呢個幾重要，試諗下將ki kʰi gi xi變成tɕi tɕʰi dʑi ɕi之類嘅北方話喺翻譯外文時個譯音會幾唔同南部三語？呢個北方話包括官話及中部漢語群，當然有啲地方無顎化），聲調上基本分曬陰陽，當然具體調值調型會唔同。所以我覺得客閩二語嘅譯音可以參攷，何況粵語算係海外唐人「官話」。

至於閩南語嘅濁塞音，佢哋倂唔係直接繼承自中古全濁聲母，而係後期明、泥、疑三母塞化形成，呢個睇情況譯要注意（睇埋原語言嘅音標對住譯，遇到佢哋將m- n- ng-之類嘅音譯成b- d- g-，我哋另譯成粵音──其實亦可不必，星馬呢啲唐人地區可以將啲名當由來已久嘅唐名來直接用）。--S7w4j9 (傾偈) 2014年3月31號 (一) 04:20 (UTC)回覆