Talk:2020年死

對於IP用家大幅咁改動嘅編輯進行判定同討論

我唔係成日上嚟，可能需要多啲人幫下眼。有關2020年8月8號改動爭議，我認為Longway22嘅一刀切回退唔太合理。我個討論頁有傾過呢次爭議，但驚大家留意唔到，所以貼埋過嚟呢邊：

我檢查過「2020年死」嘅改動，我睇頭5筆修改，都屬合理嘅修改：

1. 增加郭美江嘅死訊：郭美江粵維同其他語言都已經有文，可以確立有知名度，而且佢嘅死訊真確，所以修改屬合理
2. 修改李登輝嘅死訊：「臺灣」上一篇已經有內連，呢度內連可以唔使重覆；「首個全民直選產生嘅中華民國總統」嘅寫法同內連比起「臺灣中華民國首個全民直選產生嘅總統」合理；「（1988年至2000年）」亦比起「（1988-2000）」合乎格式規範，所以修改屬合理
3. 修改奧麗薇·夏蕙蘭嘅死訊：根據其他語言版本，佢係7月26號死而唔係7月25號死；佢拍英國電影為主，「英國／美國電影演員」比「荷里活女星」合理；刪走「榮獲」呢類主觀字眼亦合理；後面「《亂世佳人》女配角，最後一位幕前參演過齣戲嘅人」留唔留就見仁見智，唔留就簡潔啲咁解，整體嚟講，修改都算係合理
4. 修改山本寬齋嘅死訊：上面臺灣、英國、美國都有內連，加埋畀日本都好正常，所以修改屬合理
5. 修改三浦春馬嘅死訊：其他死訊都無句號，刪走個句號都係統一返格式，所以修改屬合理

維基有個原則叫「假定善意」，憑以上幾個修改都係合理，可以假定呢個IP用戶嘅修改係想建設而唔係想破壞，所以無理由要「一刀切」拒絕。我係希望Longway22講下邊一筆修改有問題，淨係針對嗰一部份還原。如果Longway22一路畀唔到其他合理原因一刀切回退，建議恢復返原先版本。--XRTIER (傾偈) 2020年8月8號 (六) 12:49 (UTC)

• 多謝XRTIER閣下嘅留言，本編嘅有關編輯承認係有時比較武斷，不過呢層係因為本地度啲IP編輯（尤其時事、大事記啲更新）有多比較鬼惑嘅反應。本編呢度會就過往嘅經驗、同最新呢鋪嘅一啲紀錄，再講明下;

呢度唔少IP嘅編輯多時都係混雜啲加料同揀（審查）料嘅會，比較難處理。譬如本次嘅大幅回退度，係因為鏟料有：

1. 將原先啲人物介紹譬如李登輝先生嘅中華民國、奧麗薇·夏蕙蘭女士嘅荷里活等嘅超鏈接鏟去，而臺灣嘅超鏈接都係如法炮製
2. 鏟去咗啲大陸出身人士嘅族裔、籍貫嘅註明，雖然家下大陸地方都係受一個實體掌管，只不過呢度係都要強化政權嘅表述，真係毫無必要
3. 雖然添加嘅唔少人士相信係有其他維基專案記錄低，但本地未有創建過內容，而有關所見嘅修訂並未有好心咁搞埋跨域鏈接，有增加修訂嘅困難疑慮

綜合返上述，加之協同互助同本地化人手本身不足下，如有留意IP編輯啲活動，可以睇下本地嘅大事記、時事或日子版面嘅紀錄，各位可知，係經常咁有操作同刪改。雖然加料都有，但刪改咗一啲同本地或普世度密切相關嘅內容或資訊，長期對比同觀感而言係難以運用通行嘅判定去看待。而依據有關事態同變化等，認為粵維人應對呢啲頻密嘅試探，多加留意同關注，確保本地可以根據實際獨立同迅速判斷到唔同嘅狀況，維護返粵維同維基本身所立足嘅價值利益。——Longway22 (傾偈) 2020年8月8號 (六) 13:22 (UTC)