Template talk:Unreferenced

改返轉頭唔緊要,但係請啲管理員執執啲句子啦,好似鬧人咁樣.尤其係「畀人剷走」,「一齊玩！」同埋「幫手改改呢篇文」每次睇到都好唔舒服.
「畀人剷走」:意思我明,但係都要顧及到用嘅場合.好似係香港新聞度你唔會聽到「一名中國男子喺條街度俾人隊冧咗」,而會聽到「一名中國男子喺返屋企嘅時候俾人用刀銡死」.請改成比較溫和莊重嘅用辭.
「一齊玩！」:意思唔清楚,又唔接上下文,又冇連結,冇存在嘅必要.到真係有嗰頁嘅時候加返都未遲.
「幫手改改呢篇文」:上接「唔該加返可靠嘅來源」,呢句意思已經完整再加只係畫蛇添足.有人要改嘅時候可以撳上面嘅「編輯」.
另外,
「受到挑戰」:我知道係由「may be challenged and removed.」度翻譯過嚟.我都知道「challenge」解「挑戰」,但係喺英文嘅「be challenged」同粵語嘅「挑戰」用法唔同.粵語嘅「挑戰」嘅對象都常係人:老師,挑戰棋王,挑戰某大佬等等.第二種挑戰嘅對象就係抽象嘅觀念,例如,慣例,權威,習俗,自我,能力,文章嘅可信性等等.第三,挑戰嘅過程係激烈嘅,通常係大吵一輪,筆戰,棋戰,或打交.通常睇到冇根據嘅文章嘅人都唔會同你嘈,最多係唔信你啫.所以,寫做「懷疑」,「冇說服力」俾有字譯字嘅做法更加貼切.請記住,最後嘅效果比原文更重要.如果原文直譯會引起誤解,或者俾人有唔自然,奇奇怪怪嘅感覺,寧願揀同原文唔同.
--唔係話越唔似中文就越似粵文嘅 2007年10月12號 (五) 22:04 (UTC)

• 攞齊兩版，響度慢慢傾。* -- :-) Hillgentleman | 書 | 二零零七年十月十二號（星期五）格林尼治 22點15分57秒。

原本

Danielairy (討論 | 貢獻 | 封鎖)喺2007年10月12號 (五) 04

25嘅修訂。:

--* -- :-) Hillgentleman | 書 | 二零零七年十月十二號（星期五）格林尼治 22點20分38秒。 P.S.1. 個＂嗡＂字應該做＂噏＂。 --* -- :-) Hillgentleman | 書 | 二零零七年十月十二號（星期五）格林尼治 22點20分38秒。

1. Challenge 可以做質疑。
2. 鏟係個用力、徹底嘅動作。英文可做 raze。你話顧住場合係乜意思？隊冧係黑社會術語，所以唔出得街。同用個鏟字有乜關係？
3. 蛇足可削。
4. 唔使跟足英文版。我地用英文版做底，然後自己整。* -- :-) Hillgentleman | 書 | 二零零七年十月十二號（星期五）格林尼治 22點33分05秒。

Danielairy, 你有啲意見都好，但講返你句嘢：

「表示維基百科唔係亂嗡」同埋「增加維基嘅公信力」屬於射自己隻腳。你咁講，讀者第一反應係： １。原來有人話維基百科係亂噏嘅。 ２。原來維基百科公信力唔夠。 ３。太主觀。

另外，「可靠來源」大家都有咁上下理解；而且有連結去正式嘅介紹，唔使（抽樣咁）指出一啲例子。

總之，告示應該用最簡短嘅文來指點人做嘢，其他唔必要嘅嘢就免。* -- :-) Hillgentleman | 書 | 二零零七年十月十二號（星期五）格林尼治 22點40分10秒。
我知道我句野唔係最好,我只係想令維基更加好啫.你講嘅point有道理,我接受.「鏟」字有連根拔起嘅意思(同你講嘅一樣),但係刪除一篇文唔使咁誇張,亦都唔使用力.所以建議用返個「刪」字--唔係話越唔似中文就越似粵文嘅 2007年10月12號 (五) 22:46 (UTC)

• -->去wikipedia:城市論壇 (政策)#改「刪除」做「剷除」傾。* -- :-) Hillgentleman | 書 | 二零零七年十月十二號（星期五）格林尼治 23點21分17秒。

• 唔係話越唔似中文就越似粵文嘅你講嘅嘢我都有部份同意，維基嘅嘢係可以改， 只要大家有共識。慢慢傾，我將你啲改法整返轉頭，係有理由嘅， 第一，呢個模係由譯英文模譯過嚟，我自己譯未必係最好嘅，不過，你嘅改法離開源文太遠。我本人偏向貼近源文譯。覺得係你嘅「教我點做」幾好，剷係有力度嘅問題：
  • 唔該 - 麻煩你 ？
  • 『來源出處可以係書,報紙雜誌,學術論文,可靠網站等等』我以為多餘少少而不足（個拎度有講曬，不過講唔晒要講嘅嘢）。
  • 慢慢傾吓啦。 --WikiCantona 2007年10月12號 (五) 23:27 (UTC)

最新版本已經好好多啦(定係我讀得太多次習慣咗?),仲有就係

1. 「幫手改改呢篇文」未改.Hillgentleman話「蛇足可削」我當你贊成改啦~
2. 呢個模同時將篇文加入「Category:冇引出處或寫低根據嘅文」同埋「Category:所有冇根據嘅文」我覺得一個就夠.我諗係錯手搞成咁啫.
   --唔係話越唔似中文就越似粵文嘅 2007年10月13號 (六) 01:58 (UTC)

１。有類喺句 if 入面，未必多餘，睇我地點砌啲 category。不過而家咁睇有少少亂。兩種做法：一係就簡化，一係就抄曬英文維基百科呢啲類過來。

２。「幫手改改呢篇文」會彈去編輯頁，係重複咗上面個編輯掣，但未必係多餘。

總之，apathy. 大家重有無意見？* -- :-) Hillgentleman | 書 | 二零零七年十月十三號（星期六）格林尼治 02點14分10秒。

其實呢個模N年冇改過，係咪時候應該更新吓呢？

如題。我諗緊可唔可以學吓中文維基百科，引入有時間嘅{{unreferenced}}模呢？

當然，咁做會有好大嘅影響。我數過總共有超過700版用緊呢個模。

同時，超過700版用緊呢個模，代表粵文維基百科有超過0.50206924252096%冇根據，而實際上有好多冇根據版冇用呢個模。呢個問題非常值得重視。--Hello903hello (傾偈) 2017年8月1號 (二) 11:38 (UTC)

改咗，但原有嘅類名盡量都會留返佢。 Shinjiman ⇔ ♨ 2017年8月1號 (二) 15:08 (UTC)

提議者周不時開啲吉嘅新分類頁，情況都一樣值得重視。182.239.90.178（討論） 2017年8月1號 (二) 23:09 (UTC)

「代表粵文維基百科有超過0.50206924252096%冇根據」，你睇下，好多係「係又加，唔係又加」！--WikiCantona (傾偈) 2017年8月2號 (三) 00:26 (UTC)

@Shinjiman：呢度似乎唔慣將呢一類版按月份細分，所以|all=呢一行暫時唔需要住掛？而家造成全部加咗多餘分類Category:所有冇根據嘅文。--Roy17 (傾偈) 2018年10月17號 (三) 19:42 (UTC)

個類應該冇問題，已經將嗰類由wikidata連返過嚟。 Shinjiman ⇔ ♨ 2018年10月17號 (三) 23:12 (UTC)