一隻電子遊戲嘅原型
一隻電子遊戲嘅原型

遊戲設計遊戲研究嘅一個子領域,研究點樣設計遊戲-「遊戲」可以係圖板遊戲紙牌遊戲、以至電子遊戲都得。遊戲設計師會制定一隻遊戲嘅規則同設計隻遊戲所用嘅美術風格,並且用隻遊戲嚟達到某啲特定目的,例如係設計出好玩、商業上賣得到錢嘅遊戲,又或者幫教育家管理者設計一啲有教育用途嘅遊戲。

喺廿一世紀,遊戲設計唔衹係一門實踐性嘅領域,而且仲係一門理論性嘅領域:喺歷史上,遊戲曾經啟發過數學人工智能經濟學上嘅創新;廿一世紀嘅學界有對遊戲設計作出探究,會用實驗問卷調查等嘅方式研究一隻遊戲嘅成功程度(以銷售量同玩家評價等量度)會受到乜嘢因素影響,仲有好多遊戲設計學者嘗試為遊戲設計制定一套理論框架,並且做研究驗證源自呢啲理論嘅假說

遊戲設計上嘅理論主要關注兩樣嘢:隻遊戲本身,以及玩家嘅體驗;遊戲設計上嘅分析會考慮描述隻遊戲嘅變數,例如係遊戲嘅規則、規則嘅複雜度、遊戲當中嘅運氣成份呀噉,跟住又會思考有關玩家體驗嘅理論模型(即係一啲描述一個玩家玩遊戲嗰陣嘅心理狀態嘅理論),最後嘗試結合兩者,了解「玩遊戲」呢樣嘢嘅本質,以及點樣運用呢啲知識嚟設計出好玩嘅遊戲。呢啲思考可以用到好多唔同領域嘅知識,好似係用數學統計學機會率概念嚟分析遊戲嘅運氣成份,或者用心理學嘅理論模型諗有關玩家心理狀態嘅嘢等等。 (成篇文章……)

以前嘅正文: 博弈論學習經濟學