「一個中國，各自表述」，簡稱「一中各表」，係海峽兩岸關係嘅一種論述，意思係話中華民國同中華人民共和國雙方都同意世界上只有一個「中國」，但係「中國」代表嘅內涵，雙方都可以有唔同嘅解釋。呢個講法首先由國民黨代表喺1992年香港會談嗰陣提出，嗰時共產黨代表並唔接受，堅持「一個中國即係中華人民共和國」嘅原則。
