統計學係數學嘅一個子領域，專係研究點樣喺各個科學領域嗰度搜集、分析、演繹、同埋呈現數據。喺用統計方法嚟研究啲乜嗰陣，個科學家會（一）先講明咗佢研究緊乜嘢變數；（二）跟手就揾一個特定嘅總體嚟研究；（三）由呢個總體嗰度抽個樣本出嚟；（四）喺個樣本度收集數據，睇吓個樣本入面每一個個體喺啲變數嗰度嘅數值係幾多；（五）用某啲統計分析方法嚟去揾出柞變數之間有乜嘢關係。
例如有個生物學家想研究吓狼嘅獵食行為同佢哋身處地方嘅氣候之間有冇乜嘢啦掕。喺呢份研究入面，（一）佢所研究緊嘅變數就包含咗喺「啲狼嘅獵食行為」同「啲狼身處嘅地方嘅氣候」入面；（二）佢會將成個世界嘅狼擺埋一齊研究；（三）但係世界上噉多隻狼，攞嗮佢哋嚟研究太嘥時間，所以佢就用隨機抽樣－隨機噉由全世界嘅狼嗰度抽一部份嘅出嚟研究；（四）跟住佢就要向個樣本收集數據，用各種嘅方法去量度樣本入面嘅每一隻狼嘅獵食行為（好似係佢每日用咗幾多個鐘頭獵食、食咗幾多公斤嘅嘢食呀噉）同埋佢身處地方嘅氣候（好似係嗰個地區落雨落得有幾密同埋平均氣温等等）；（五）攞完數據之後就用各種嘅統計分析嚟去計吓呢柞變數之間有乜嘢啦掕。同樣嘅做法喺物理科學同社會科學嗰度都會用。
到咗現代，統計學經已係科學研究上走唔甩嘅一個部份，幾乎所有大學科學學科嘅本科課程都會教少少統計學嘅嘢。(成篇文章……)
以前嘅正文： 地球 – 物理 – 香港文化
歸檔 – 提名 – 全部72篇正文...
雙人舞喺芭蕾舞上係指由（通常一男一女）兩位舞蹈員一齊跳嘅一段舞，表達「男女主角墜入愛河」嘅情節，好多時會係一齣芭蕾舞劇嘅焦點所在。好多芭蕾舞史上出名嘅舞段都係雙人舞。
圖片來自：Enzonieri舊圖 - 更多正圖...
維基新聞（英｜中） – 訃聞 – 更多時人時事…
中國史經過二重證據法證明嘅夏朝計起大概有4,200年；從孔子所說嘅、有三皇五帝嘅傳疑時代計起大概有4,600年。中國係指亞洲東部一帶嘅地方，又叫中原，指以黃河、長江一帶開啟嘅文明，以及日後擴張及延續。由於年代久遠，與埃及、印度、兩河流域，並稱四大文明古國。
歸檔 – 提名 – 全部正文 – 全部好文...
8月5號： 布基納法索 獨立日
上幾日：8月4號 – 8月3號 – 8月2號
舊文 – 更多當年今日
