丁字褲

丁字褲，又叫做T字褲、T-back、G弦褲，係指肛門等部位淨係有一絛繩大小布條嘅底褲。因為似「丁」字而得名。

着丁字褲嘅男人

歷史

天氣酷熱嘅地區响早期嘅服裝穿着方面以簡單涼爽為主，因此各地都有流行着丁字褲嘅風俗，好似台灣嘅原住民阿美族、達悟族等部族，响男性服裝方面流行着丁字褲，而當時嘅丁字褲大多用麻布整。然而隨住科技進步，而家流行嘅丁字褲喺材料上同以前嘅好唔同，而家流行嘅丁字褲材料有棉、羊毛、絲同各種化學纖維材料，而且顏色方面五花八門，有紅、黃、藍、黑同白等顏色，條紋花邊嘅種類都好多，有豹紋條紋、相間條紋等。

男用丁字褲

丁字褲可以包住男人副𡳞

男人嘅丁字褲往往唔同婦女嘅丁字褲，有啲丁字褲響前面垂直整可以容納男性生殖器嘅袋。丁字褲往往比其他男性內衣款式有更好嘅支持，同埋消除大腿內側同生殖器之間嘅壓迫感，呢兩個原因令男人同男仔可能會選揀着丁字褲。

女用丁字褲

着丁字褲嘅女人

隨住社會風氣愈趨開放，服裝商人裝造出布料越嚟越少嘅底褲同游水褲，丁字褲比比堅尼更進一步，幾乎去到極限，僅僅遮到屎眼同屄，同唔着褲差唔多，適合想要展露性感嘅女人。唔止喺游水、曬太陽嘅公開地方會有女人噉樣着，性愛或者色情嘅私密場合，都會用到。