丁封

丁封（粵拼：ding1 fung1；？—263年～270年），廬江安豐人（而家河南固始），係三國時東吳將領。

丁封係丁奉嘅細佬，同佢阿哥一齊喺東吳做將軍。佢做官到後將軍，早過佢阿哥丁奉死先。

永安六年（263年）農曆十月，魏國攻打蜀國，於是蜀國搵吳國搬救兵。當月吳國派丁奉督軍去牽制魏國，其中丁封、孫異一齊進駐漢水流域。不過之後劉禪投降魏國，於是吳國嘅軍事行動中止。

喺《三國演義》，喺鄧艾攻打諸葛瞻鎮守嘅綿竹關時，諸葛瞻搵東吳救兵，丁奉帶住副將丁封、孫異去出征，喺劉禪投降後退兵。

參攷資料

陳壽。〈吳書：程黃韓蔣周陳董甘凌徐潘丁傳 — 丁奉傳〉. 《《三國志》》。｢奉弟封，官至後將軍，先奉死。｣
陳壽。〈吳書：三嗣主傳 — 孫亮傳〉. 《《三國志》》。｢（永安）六年……冬十月，蜀以魏見伐來告。……甲申，使大將軍丁奉督諸軍向魏壽春……將軍丁封、孫異如沔中，皆救蜀。蜀主劉禪降魏問至，然後罷。｣