七十二家房客 (劇集)

七十二家房客（英文：The House of 72 Tenants）係由南方電視台同珠江電影製片廠一齊整，以粵語為主要語言嘅情景喜劇，亦係中國大陸地區，繼外來媳婦本地郎之後第二長嘅劇集。部片從2008年7月5號開播一直到而家。入面專門圍繞1940年代尾嘅廣州西關太平街嘅七十二家大院，房東同房客嘅PK及街坊生活嘅甜酸苦辣。

部劇喺廣州地區都有好高收視率。其它地區播出方面，廣東、廣西多數嘅粵語台、及香港、北美嘅部分粵語台都播過呢部片。2013年8月16號同2014年7月31號，部劇分別攞過廣東省五個一工程獎同埋廣東省第一屆百佳電視藝術作品獎。

開拍時間

部劇喺2008年初開拍一直到而家都未停過。2008年7月5號開始喺南方衛視開播，播到第9季第40集合時已經突破1000集。