三商巧福

三商巧福係台灣三商企業旗下嘅牛肉麵連鎖店。佢前身係1983年成立嘅三商速簡餐廳，係台灣第一間台式料理嘅速食餐廳。不過因為菜色太多，無辦法做到快速供餐，所以第二年改成以牛肉麵為主嘅七七巧福。到1986年，又改名做三商巧福，慢慢變成家喻戶曉嘅牛肉麵連鎖店。依家全台灣有155間分店，遍布各大都市同鄉鎮地區，另外喺中國、日本都有分店；仲進駐咗大型量販店同百貨公司嘅美食街。