三竈島萬人墳

三竈島萬人墳位於中華人民共和國廣東省珠海市三竈島，佔地大概4000平方米，係廣東省文物保護單位。

1938年農曆正月十七，6000名日軍喺珠海市三竈島蓮塘灣登陸，隨即喺三竈島展開大屠殺。2891名村民被日軍殺害，另外有超過3500人餓死。日軍更加將從朝鮮、台灣同橫琴等地方押來起飛機場嘅超過3000名民工秘密殺害。1945年，日本投降，逃亡外地嘅三竈島島民陸續返到三竈島，並且收拾死難同胞嘅屍骸，埋喺亂葬崗裡面。1948年，三竈島華僑同港澳同胞籌款修建咗萬人墳。