三藩市灣

三藩市灣

三藩市灣主要橋樑：(1)聖拉菲大橋 (2)金門大橋 (3)海灣大橋 (4)聖馬刁大橋 (5)鄧巴頓大橋

海灣大橋，背景係三藩市天際線

三藩市灣（英文：San Francisco Bay）係美國加州中部嘅河口灣，喺沙加緬度河下游出海口。呢個海灣呈南北向嘅長形，周圍分佈好多城市，最主要嘅譬如三藩市、東灣嘅奧克蘭同南灣嘅聖荷西。

灣入邊有4個主要島嶼。天使島係州立公園。阿拉米達係城市。金銀島原先係海軍設施，而今轉為民用。阿爾卡特拉斯島有一座監獄，20世紀嗰時𢬿來關押最惡劣嘅罪犯。呢個監獄號稱冇人走得甩，因為四面環水，水溫極低，而且有白鯊出沒。而今監獄已停用。