三蘇祠
30°02′35″N 103°49′48″E / 30.043°N 103.830°E
| ||||
|---|---|---|---|---|
 | ||||
| 國家 | 中華人民共和國  | |||
| 位處政區 | 四川 | |||
| 遺產名 | 全國重點文物保護單位 | |||
三蘇祠嘅位置  | ||||
[改維基數據] | ||||
三蘇祠係紀念三蘇嘅祠廟，喺四川眉山東坡區市區西南紗縠行。原先係蘇洵、蘇軾、蘇轍舊宅，大元初年為咗紀念佢哋三仔爺改成祠廟，近年改做三蘇祠博物館。
1980年7月7號，三蘇祠列為四川省重新確定公布嘅第一批省級文物保護單位[1]。2006年5月25號，成為第六批全國重點文物保護單位[2]。2013年雅安地震嗰時，受損嚴重，2016年4月正式開館。
庭院紅牆環抱，綠水縈繞，古木扶疏，翠竹掩映，形成三分水二分竹嘅島居特色。
祠入邊有蘇洵、蘇軾、蘇轍，以及程夫人、任採蓮、蘇八娘（蘇軾家姐，程正輔妻）、王弗、王閏之、王朝雲、史夫人，仲有蘇家六公子等十幾人嘅塑像。仲有木假山堂、古井、洗硯池等蘇家遺跡。珍藏4件一級文物、24件二級文物、696件三級文物。明代文物，陳淳草書《前赤壁賦》、王式《西園雅集圖》、張風翼書《後赤壁賦》、許光祚書《記承天寺夜遊》，清朝文物何東洲書《東坡詞》等等，都係三蘇祠鎮館之寶。[3]
史
編輯三蘇祠原先係佔地大約5畝嘅庭院，有古井、洗硯池、碑亭等遺跡。元代改宅為祠，明末毀於兵燹，清康熙四年（1665年）眉州知州趙蔥芽喺原址仿原貌重建，嘉慶十一年（1806年）擴建，加起東西廂房同方牆門道，以及重塑三蘇父子塑像，設置3座神龕。收尾陸續擴建到而今佔地104畝嘅古典園林。2013年4月20號雅安地震，16處古代建築受損嚴重。2013年8月22號正式閉館修葺，呢次係自清康熙以來規模最大嘅維修工程，據說使咗大概9千萬人民幣。維修工程堅持按照「原形制、原結構、原材料、原工藝」嘅原則。[4]。古建築用嘅木材係從眉山、樂山等地木材市場搵嘅老木料。剷除咗地震之前嘅石屎地面，用川西風格紅砂石地面鋪過。重開之後，博物館將以前冇辦法擺出來嘅文物分主題陸續展覽。[5]
參考
編輯- ↑ 『關於重新公布全省文物保護單位名單的通知』，四川省人民政府，一九八〇年七月七日，川府發（1980）154號文件
- ↑ 『國務院關於核定並公布第六批全國重點文物保護單位的通知』，國發〔2006〕19號，2006年5月25日
- ↑ 〈投资近9000万维修资金 眉山三苏祠下周携镇馆之宝重开馆〉。华西新闻网。华西都市报。2016-04-14。喺2016-04-20搵到。
- ↑ 陈健 (2016-04-20)。〈北宋"三苏"故居三苏祠重新开馆〉。新华网。新华社。喺2016-04-20搵到。
- ↑ 吴晓铃、袁丽霞 (2016-04-20)。〈三苏祠震后重新开馆 大修后更加古朴典雅〉。四川日报网。四川日报。原著喺2016-05-04歸檔。喺2016-04-20搵到。