下莊洪聖廟

下莊洪聖廟出面嘅牌坊

 下莊洪聖廟（粵拼：haa6 zong1 hung4 sing3 miu6*2） 係中國廣東廣州嘅一間古廟，佢嘅前身喺大元至順元年（1330年）起好，現時嘅廟起自1997年，位置喺黃埔區長洲東北邊、下莊村近長洲碼頭嘅位。

史

間廟喺大元至順元年起好，喺大清道光庚子年（1840年）重修過，後嚟年久失修溶溶爛爛。1958年大躍進時將間廟拆咗，但拆除工程完咗之後賴低咗嚿地基嘅手尾，直到1978年改革開放之後，由於長洲地區開始發展旅遊業，加上下莊聯社（今日嘅下莊村委）話要保護當地街區歷史同文化，喺1996年12月8號喺舊時間廟嘅地基度重新起返間洪聖廟出嚟，直到1997年夏起好。

風格

佢係間有嶺南特色嘅古廟，佔地120 m²，前座比較細，後座正殿比較大，中間有天井間開。入面有座四簷滴水煙樓，重有座「洪聖大王寶印」嘅方型玉石，帶圓形印柄響度。而柄頂之前有隻踎響度嘅獅子，但後嚟爛咗。

連出去

• 〈祖國風光（756）廣州長洲下莊洪聖廟〉。360個人圖書館。2016年2月27號。喺2016年3月31號搵到。
• 〈廣州長洲下莊洪聖古廟〉。城市旅遊網。2014年8月8號。喺2016年3月31號搵到。