唔轉發就唔係中國人

唔轉發就唔係中國人（原文：「不轉不是中國人」或「是中國人就轉」），係指中國社交網絡入面出現嘅一類網絡文章嘅統稱。呢啲文章通常以激發民族主義情緒為手段，傳播能力強，聲勢大，傳播嘅往往係一啲未經核實嘅煽動性內容甚至係謠言，以誘導網民進行轉發。亦有評論認為呢啲文章好可能係一種網絡營銷手段。

2015年3月，微信官方宣布禁止「誘導分享行為」，其中包括咗含有「不轉不是中國人」、「轉發後一生平安」、「轉瘋了」、「必轉」等脅迫、煽動用戶分享嘅文章，用戶睇到可以舉報^[1]^[2]。