世界愛滋病日

 世界愛滋病日（粵拼：sai3 gaai3 oi3/ngoi3 zi1 beng6 jat6） （英文：World AIDS Day）係世界衛生組織呼籲全球各地同國際組織辦活動，嚟宣傳同愛滋病有關嘅知識。節日從1988年開始，每年嘅12月1號搞。

由來

内文：愛滋病同愛滋病毒

美國當地喺1981年第一次發現咗愛滋病患者，而法國科學家喺1983年最先發現愛滋病毒。根據研究，愛滋病毒可能喺1960年代出世喺非洲中部地區嘅馬騮身上變種而成，人類一旦感染，可以通過血液製品、娼妓、同性戀同吸毒啲人傳播。後嚟病毒一直蔓延到全球各地，成為重大嘅公共衛生隱患同社會問題而俾世界衛生組織同好多國家政府䀹住嗮。由於愛滋病被全球公認咗「世界最危險瘟疫」同「超級癌症」，加上冇藥可以醫得呢個病。1987年8月，美國兩位政治人占士賓尼同湯馬仕·匿他（Thomas Netter）同佐納登·曼尼（Jonathan Mann）醫生喺美國嘅全球節目（Global Programme）入面傾咗關於愛滋病嘅問題，佐納登·曼尼聽咗呢件事之後，向瑞士日內瓦嘅世界衛生組織反映，重通過咗呢項議案。定咗從1988年開始，每年12月1號係世界愛滋病日。