世襲

世襲（英文：Hereditary Succession）係指用家族嘅優勢，嚟將錢或者權力一代傳一代噉維持住。呢種社會觀念一般都係著重男人，所以最常見嘅就係父死子繼制（老豆死，亞仔繼續）同埋兄終弟及制（亞哥死，細佬繼續）。

喺唔少嘅遺產入面，原本有呢嚿錢嘅人，一般都係會留低返畀自己嘅屋企人。除此之外，君主制嘅君主亦都係用呢個方法，嚟維持一個家族嘅統治^[1]。

因為現代社會一般比較重視平等，而世襲被視為係一種維持唔平等嘅方法，所以呢個字眼一般都係偏向貶義。除咗世襲以外，亦有其他繼承權力或者財產嘅方法，例如用民主制度嚟揀政府首腦，或者用精英制嚟揀一間公司嘅接班人。