丘逢甲（1864年12月26號—1912年2月25號），本名丘秉淵，又名丘倉海，字仙根，號蟄仙、台海，係臺灣同廣東詩人同教育家。佢好擅長詩文，著有《嶺雲海日樓詩鈔》[1]。
丘逢甲屋企原籍廣東蕉嶺，係客家人，先祖搬咗去臺灣[1]。
丘逢甲1864年出生喺苗栗銅鑼鄉竹森村[2]。
1895年大清同日本甲午戰爭之後，大清割臺灣畀日本。佢跟唐景崧抗日本接收臺灣[1]，但後尾唐景崧走咗，佢帶埋軍餉到廣東。佢之後做過校長。
喺中華民國成立之後，佢做過臨時參議院議員[1]。無耐，丘逢甲1912年2月25日死喺廣東。
