中共人
中共人一詞泛指企喺中國共產黨嗰邊嘅人，貶義之詞。
語文
編輯雖然驟眼睇落，「中共人」係「中國共產黨人」、「中國共產主義人」或「中華人民共和國人」嘅減筆，但係喺實際應用時，通常唔係噉樣解。
中國共產黨成員、中國式共產主義推崇者及中華人民共和國公民，甚少自稱「中共人」，反而經常揀「（中共）黨員」、「（中國）共產主義者」及「中國人」。官方理論將「（中共）黨員」及「（中國）共產主義者」定義作「中國人」當中嘅上流（領導人、先進階級……）。
唔鍾意中國共產黨嘅人，一般認為「中共」（「中國共產黨」嘅簡稱）語帶貶義，因而由之衍生出嚟嘅「中共人」亦都唔係好嘢。佢哋當中，有部分將「中共人」同「中國人」鮮明區分——「中國」及附帶嘅「中國人」皆屬中性名詞，而「中共」及「中共人」則分別為「中國」及「中國人」當中嘅敗類，甚至衰到唔入流。
