維基百科

中國作為發展緊國家嘅爭議

中國近年成為第二大經濟體系，僅次於美國。不過，喺一啲唔同嘅場合入面，中國仍然堅持自己係發展緊國家。根據世界貿易組織嘅規定，發展緊國家可享受特殊差別化待遇，包括税務同貿易優惠，同埋可以本國企業提供出口補貼[1]。所以，中國呢個經濟發展身份問題，就成為咗中國同西方國家之間爭議嘅其中一個議題[2][3]。其中美國前總統當奴侵就曾經批評中國，明明有顯著經濟實力，但就攞住發展緊國家嘅地位去獲得利益[4]。

去到2021年11月，中國正式唔再獲得歐盟、英國、加拿大、土耳其、烏克蘭、列支敦士登等32國較貿易最惠國更佳待遇嘅「普遍優惠制度」（GSP）待遇[5][6]。

中國聲稱作為發展緊國家之下所獲得嘅好處

編輯

根據世界貿易組織嘅規定，發展緊國家可享受特殊差別化待遇，包括保持較高嘅貿易關税壁壘、較慢同細幅度嘅降税速度、各國提出嘅貿易優惠，同埋可以為本國企業提供出口補貼[1]。另外，喺國際郵政方面，佢哋亦可以以低價寄送小型郵件包裹[7]。

喺其他國際條約入面，發展中國家都可以享受到一啲優惠待遇，特別係喺環保方面。1972年嘅《人類環境宣言》、1987年嘅《蒙特利爾議定書》、1992年嘅《聯合國氣候變化框架公約》、1997年嘅《京都議定書》，同埋2015年嘅《巴黎協定》，都喺唔同程度上承認發達國家應該照顧發展中國家，容許佢哋延遲執行減排措施，同埋有更寬鬆嘅減排義務，仲要求發達國家提供資金同技術俾發展中國家[8]。

外間就中國相關聲稱嘅行動

編輯

美國政府

編輯

美國曾多次公開批評，中國利用「開發中國家」身分，向西方陣營嘅已開發國家索取援助[9]。喺國際郵政方面，美國因為覺得呢個制度之下中國，可以以低價寄送小型郵件包裹，對佢哋造成負擔，甚至一度諗住退出萬國郵政聯盟，但後來談判達成共識[7]。

  • 喺2019年7月，當勞侵要求世貿組織修改容許許各國決定自己係咪符合「發展緊國家」嘅資格，當中就提到中國點樣發達，話富有嘅經濟體要求發展緊國家嘅地位時，咁做唔單止損害發達經濟體，而且損害真正需要特殊同差別待遇嘅經濟體[10]。
  • 喺2020年2月18號，美國貿易代表辦公室宣佈更新佢哋認定為「發展中國家」嘅名單，將中國等25個經濟體排除在外[2]。
  • 2023年6月8號，美國參議院外交關係委員會投票通過咗一個名叫「結束中國嘅發展中國家地位法」（Ending China's Developing Nation Status Act）嘅法案[8]。

學者評論

編輯
  • 美國智庫卡托研究所（Cato Institute）貿易政策研究中心副主任 Simon Lester 指中國產品領域廣泛、擁有強勁競爭力，但中國仍然保留發展緊國家獨有利益嘅做法，有啲人會認為咁做唔公平。佢又話，而家中國已經係工業強國，唔應該享有好似海地咁樣嘅特殊待遇[11]。
  • 台灣趨勢論壇創辦人吳介聲喺2020年2月，當奴侵宣布將中國從已發展國家入面剔除嗰陣，就形容中國一直以來索取成性，利用世界貿易組織嘅落後規則喺國際市場佔有唔公平優勢而單方面收益，已經令好多國家不滿，扮窮咁耐終於踢到大鐵板[12]。

中國對有關問題嘅立場

編輯

中國主張，佢哋國內仍然存有農村等貧困問題，表示堅持呢個定位[4]。佢哋又話，呢個聲稱係中國嘅基本權利[13]。

參考

編輯
  1. ↑ 1.0 1.1 〈美國把中國從「發展中國家」名單除名，國家發達與否該如何定義？〉。theinitium.com。原著喺2021-09-10歸檔。喺2021-09-10搵到。
  2. ↑ 2.0 2.1 〈美國不再視中國為「發展中國家」 中國賺面子丟實惠〉。《BBC News 中文》 (繁體中文)。2020-02-21。喺2021-09-10搵到。
  3. ↑ 〈鄧聿文專欄：中國到底是發展中國家還是發達國家 -- 上報 / 評論〉。www.upmedia.mg。喺2021-09-10搵到。
  4. ↑ 4.0 4.1 〈爭議話題 中國還是不是發展中國家〉。《RFI - 法國國際廣播電台》 (繁體中文)。2019-11-12。喺2021-09-10搵到。
  5. ↑ 中時新聞網。〈中國不再是發展中國家 歐盟等32國停止對中貿易優惠待遇 - 兩岸〉。《中時新聞網》 (中文)。喺2021-11-07搵到。
  6. ↑ 自由時報電子報 (2021-11-02)。〈中國官方認了！歐盟等32國取消貿易關稅優惠 - 自由財經〉。《自由時報電子報》。喺2021-11-07搵到。
  7. ↑ 7.0 7.1 〈中國到底是不是發展中國家？〉。{{cite web}}: CS1 maint: url-status (link)
  8. ↑ 8.0 8.1 〈美國為何要終結中國的「發展中國家」地位〉。《BBC News 中文》 (繁體中文)。喺2023-06-17搵到。
  9. ↑ 〈27億援助「開發中國家」中國? 英政府將削減開發援助預算〉。《寰宇新聞網》 (臺灣中文)。2020-07-25。喺2021-09-10搵到。
  10. ↑ 鄭瑞 (2019-10-04)。〈中國是不是發展中國家？華府和北京各有堅持〉。《香港01》 (香港中文)。喺2021-09-10搵到。
  11. ↑ 〈「大國」中國，為何仍叫發展中國家？〉。*CUP (美國英文)。2019-04-24。喺2021-09-10搵到。
  12. ↑ 聯合新聞網。〈裝窮踢鐵板？中國遭美國剔除「開發中國家」名單 | 吳介聲〉。《鳴人堂》 (中文)。喺2021-09-12搵到。
  13. ↑ "Why is emerging superpower China still categorised as a 'developing' country?". www.abc.net.au (澳洲英文). 2019-04-10. 喺2021-09-10搵到.
由「https://zh-yue.wikipedia.org/w/index.php?title=中國作為發展緊國家嘅爭議&oldid=2188566」收