中國公路零公里點（粵拼：zung1 gwok3 gung1 lou6 ling4 gung1 lei5 dim5） ，又嗌中國公路零公里起點碑或中國公路零公里標誌，係中國北京嘅標記性建築，2006年9月24號起好，喺西城區同東城區交界，前門步行街北邊同正陽門城樓南邊、前門站A出入口西邊之間。
佢亦係中國公路起點象徵，亦代表中國大陸嘅101～113國道嗰13條國家級公路同G1～G9嗰9條國家級高速公路嘅起點。入面有東、南、西、北4個方向，代表嘅係古代嘅青龍（東）、朱雀（南）、白虎（西）、玄武（北）。入面一堆畫成車轆噉啲放射線代表嘅係以北京做中心，向四周圍放射嘅中國公路網。
