中國恆大中心係香港一座寫字樓，喺灣仔告士打道38號，隔籬係夏愨大廈。棟樓有28層，1985年起好，發展商係香港置地，初頭叫海軍大廈，1987年將部份樓層賣畀華人置業，1991年賣埋淨低嗰啲，1994年改名愛美高大廈，2000年再改名做美國萬通大廈。大廈喺2015年再賣畀恆大地產，2016年改用而家個名。
中國恆大中心係其中一座參與幻彩詠香江嘅大廈。
