中國社會九大階層

「中國社會九大階層」係網民普遍認同嘅階級劃分，有傳係源於作家梁曉聲嘅《中國社會各階層分析》。

九大階層

第一層講嘅通常係一啲在任委員、退休常委，例如在任嘅人大、政協委員；

第二層講嘅通常係一啲實權省部級幹部、退休委員、大權貴、大富商、大銀行家，例如：退咗休嘅人大、政協委員；

第三層講嘅通常係一啲省部級官員、特別實權嘅局級幹部、大企業家、中銀行家、一般權貴富商、名牌大學校長，例如馬雲、馬化騰；

第四層講嘅通常係一啲地廳級官員、實權縣處級幹部、中等企業主、小銀行家、明醫、大教授、大明星、知名作家，例如范冰冰；

第五層講嘅通常係一啲處級、副處級官員、實權科級幹部、企業家、醫生、律師、工程師、大城市包租公；

第六層講嘅通常係一啲普通公務員、主流企業職員、老師、自由職業者；

第七層講嘅通常係一啲普通企業工人、城市底層土著、富裕農民；

第八層講嘅通常係一啲血汗工廠工人、普通農民；

第九層講嘅通常係城市底層嘅失業人口、偏遠山區農民。

層級之間嘅分別

第一層同第二層嘅分別在於第一層可以控制全國嘅局勢，第二層唔得；

第二層同第三層嘅分別在於第二層可以影響國家政策，第三層唔得；

第三層同第四層嘅分別在於第三層能夠影響一個地區或者行業嘅發展，第四層唔得；

第四層同第五層嘅分別在於第四層同上層有千絲萬縷嘅關係，第五層冇；

第五層同第六層嘅分別在於第五層有自己嘅事業，第六層冇；

第六層同第七層嘅分別在於第六層仍然有一定嘅上升空間，第七層冇；

第七層同第八層嘅分別在於第七層可以係城市立足，第八層唔得；

第八層同第九層嘅分別在於第八層可以自食其力，第九層唔得。

第一至三層被歸類為上層社會、上流社會、統治階級，可以喺經濟發展嘅時候享受最大份嘅蛋糕，被認為係「普通人非奇遇不能進」嘅階層，係最固化同穩定嘅階層；

第四至六層被歸類為中層社會、中產階級，佢哋一樣可以分享經濟發展嘅成果，不過個比例好細，普通人能夠通過努力進入呢一層；

第六至九層被歸類為底層社會、草根階層，亦都係最多勞動人民嘅階層，佢哋喺社會上好難向上流動，基本上冇乜上升嘅空間，相反十分之容易向下流。