中國稀土
中國稀土控股有限公司（港交所：0769）喺1987年成立，之後响1999年喺香港證券交易所掛牌上市。中國稀土原本係叫做宜興新威控股有限公司，由蔣泉龍响中國江蘇省宜興市創立，蔣亦都係依家嘅主席。公司嘅主要業務係生產稀土產品同多種行業都會用嘅耐火材料。
中國稀土响2005年收購咗海城市蘇海鎂礦有限公司、及响2008年收購江華瑤族自治縣興華稀土新材料有限公司同和平縣東冶稀土新材料有限公司。
响2016年中國稀土嘅資產淨值有26.5億港元，出售稀土氧化物1,950噸、熒光材料430噸、一般耐火材料及高溫陶瓷產品26,000噸以及鎂砂67,000噸。