中國駐土耳其大使館

中國駐土耳其大使館係中華人民共和國喺土耳其安卡拉嘅大使館。

事件

土耳其市政府門前掘窿抗議戰狼外交事件

喺2021年4月，土耳其首都安卡拉市長Mansur Yavas同埋「好黨」（Iyi Party）黨魁阿克謝納爾（Meral Aksener）喺Twitter發文紀念維吾爾族「巴仁鄉起義」31週年， 其中「好黨」黨魁提到喺中國被逼害嘅維吾爾族人，話佢哋唔會保持沉默。東突厥斯坦（維吾爾人對新疆地區嘅稱呼）總有一日會獲得自由，結果引來中國大使館同埋外交部不滿，土耳其外交部亦召見中國大使表達不滿。超過8千個土耳其嘅網民亦去中國使館嘅Twitter留言，批評中國使館違反外交儀節、跨越紅線。之後，安卡拉市政部門管理員厄茲托克（Cüneyt Öztürk）喺4月7號喺Twitter出咗兩張中國使館前施工嘅相，話施工係為咗檢查居民有冇盜用自來水資源。佢之前曾經諷刺過中國對土耳其嘅疫苗外交同經濟施壓，而有維吾爾裔土耳其人接受傳媒訪問嘅時候就話，土耳其咁做係為咗表明自己唔接受中國嘅戰狼外交。