中國駐曼徹斯特領事館職員襲擊港人事件

中國駐曼徹斯特領事館職員襲擊港人事件，係指喺2022年10月16號，一批位於英國曼徹斯特嘅香港人喺當地中國領事館外進行和平抗議，之後使館人員衝出領事館毀壞示威橫幅同襲擊示威者嘅事件，其中一名示威者更加被拖入使館範圍內被拳打腳踢。事件引起在英港人憂慮，而且上升至外交層面，跨黨派英國國會議員一致譴責事件。

各方回應

因為中共強行訂立嘅《港版國安法》而流亡英國嘅香港前立法會議員暨香港眾志創黨主席羅冠聰話，如果唔追究領事館工作人員嘅責任，香港人將會生活喺被綁架同迫害嘅恐懼之下，又表示希望英國內政與外交部調查呢件事，保護英國嘅人民。