中密度纖維板

中密度纖維板（英文：Medium-Density Fibreboard；簡稱：MDF）係一種工程木製品，通常係用啲硬木或者軟木既碎料，即係頭頭尾尾既木碎處理之後製成。呢啲碎料既木纖維用樹脂黐住，然後通過高溫加壓，將佢哋整成平板。 MDF 通常比夾板既密度更高，亦都比蔗渣板既強度同密度都高。

中密度纖維板

MDF 呢個名，源自纖維板既密度差異；同 HDF 比較，MDF 無咁堅固、無咁耐用，因為 HDF 有更高既密度同埋更細小既木纖維。 MDF 既大規模生產係喺1980年代喺北美同歐洲開始。

依家 MDF 板呢個名詞，已經成為所有既乾法纖維板（dry-process fibreboard）既通用名稱。

物理特性

MDF通常係由82%既木纖維、9%既樹脂、8%既水，同埋1%石蠟組成。 密度通常大約係500到1,000kg/m³（每立方呎31到62磅）。 纖維板既分類，按照密度範圍可以分為輕密度板、標準密度板同高密度板，不過呢個分法並唔係太恰當，相當令人困惑。當製造呢啲板既時候，板既密度好重要，因為纖維密度係重要既評估標準。 例如，同樣係700–720kg/m³（每立方呎44到45磅）密度既 MDF 板，如果係厚既軟木纖維板，可以睇成係高密度板；不過，如果係同樣密度既硬木纖維板，就唔可以話佢係高密度板，只能夠當中密度板。唔同類型既 MDF 板，係根據唔同特定應用既唔同技術要求而發展出嚟既。

類型

唔同種類既中密度纖維板（有時會用唔同既顏色嚟標示）係：

• 超輕MDF板（ULDF）
• 防潮MDF板通常係綠色既
• 阻燃MDF板通常係紅色或者藍色既

製造所有類型既纖維板都係用好相似既製造方法同埋工藝，唔同既只係纖維板既密度。一般嚟講，中密度纖維板既典型密度係600–800 kg/m³（即係每立方英吋0.022–0.029磅），比蔗渣板既500–800 kg/m³稍為高，但係比高密度纖維板既600–1,450 kg/m³低。

製造業

喺澳洲同紐西蘭，用嚟做中密度纖維板既樹，主要係人工種植既輻射松（學名：Pinus radiata；英文：radiata pine），但係亦都有用各種各樣既其他材料，包括其他木材、廢紙同纖維。至於防潮既MDF板，製造既時間會加一定比例既尤加利（學名：Eucalyptus）樹，目的係用呢類樹特有既高含油量。

木切片生產

啲樹斬咗落嚟之後，會先將啲樹皮剝走。啲樹皮會賣俾其他工廠去製造樹皮裝飾品或者用嚟做景觀美化，質量差啲既會用嚟做生物燃料。去咗皮既原木會送去生產中密度纖維板既工廠，喺嗰度做切片過程。用嚟切片既典型工具係碟式削片機，一般會有 4 到 16 片鋸片。切完之後，任何太大既木切片會重新切一次；尺寸太細既木切片一般會用嚟當柴燒。啱用既木切片會先清洗乾淨，檢查有無缺陷。有啲木切片會先散裝儲存，等之後用；有啲切片會直接送去生產線。

纖維生產

同 Masonite 之類既其他濕法纖維板相比，MDF 板既特點係喺生產工序既差異，同埋將啲纖維加工既方法。製造 MDF 板會先將啲木切片加工成單獨但係完整既纖維，然後用乾法製程。 啲清洗乾淨既木切片會先用螺旋送料器壓實成條狀，加熱 30-120 秒嚟將木材裡面既木質素軟化，然後用纖維分離機將啲纖維打散。 典型既纖維分離機係用兩個有凹槽既反向轉動圓盤組成，要加工既木切片喺中心送入纖維分離機，然後透過離心力喺圓盤之間向外送出。

紙漿喺纖維分離機流入噴吹管（blowline），呢種噴吹管係中密度纖維板製作過程用既獨特工序，佢係一條啤把形既圓形管道，直徑由頭段既40 毫米，一直增加到尾段既1500毫米。喺第一階段會注入蠟，蠟冚住喺纖維上面，通過纖維既湍流運動（turbulent movement）令到啲蠟均勻分佈喺纖維上面。然後注入脲醛樹脂（urea-formaldehyde）做黏合劑。蠟可以提高防潮性，樹脂喺製程既初期，用嚟減少結塊既情況。材料喺吹管既最終嗰段既加熱膨脹室裏面快速乾燥，並膨脹成細小、蓬鬆、輕質既纖維。即使喺高壓（100 bar，或者10 MPa；1,500 psi）之下，膠水同其他成分（硬化劑、染料、尿素等）亦會注入吹管，乾燥過程喺長管道裏面繼續，直至去到出口，連接喺加熱室既旋風分離器，出嚟既纖維可以立即用或者儲存落嚟，留番遲啲先用。

Sheet forming

乾纖維俾機器吸入「吊桿」既頂部，「吊桿」將啲纖維均勻咁分佈到下方既均勻墊嗰度，原材料既厚度通常係230-610毫米。均勻墊經過預壓縮（precompressed），然後直接送到連續熱壓機。如果唔用連續熱壓機，亦可以將均勻墊上面既原材料切成適合既大細，然後用多開口熱壓機壓佢哋。熱壓機既熱力同壓力，令到啲樹脂熔化，板材會到達設定既強度同密度。壓制循環會分階段進行，墊子上面原材料既厚度首先被壓縮到成品板厚度既 1.5 倍左右，然後進一步分階段，進行多次短時間既加壓。經過呢啲工序之後，板既輪廓已經固定咗，板芯既密度較低，板既兩個表面既附近既密度會增加，咁樣板既整體機械強度會增加。

壓制後，中密度纖維板喺星形乾燥機或者冷卻轉盤嗰度冷卻，然後修剪、打磨。喺某啲應用嗰度，板材亦會經過多層既層壓（laminated），以獲得額外既機械強度。

多年以嚟，中密度纖維板對環境既影響已經有咗好大既改善。依家，好多中密度纖維板係由好幾種材料製成既，當中包括其他木材、廢料、再生紙、竹、碳纖維、聚合物、森林斬樹同鋸木廠鋸木留番既邊角材料。

想要符合日臻完善既周圍保護條例，製造商被迫推出更環保既產品，佢哋已經開始改用無毒性既黏合劑。新既原材料亦會陸陸續續引入生產工序。稻草同竹已經成為流行既纖維來源，因為佢哋係一種快速生長既可持續資源。

好處

• 密度比夾板同蔗渣板高；
• 強度同尺寸一致；
• 形狀很好；
• 尺寸穩定（比天然木材既熱膨脹系數更細）；
• 容易上油漆；
• 容易上木膠水（黐得實）；
• 容易收螺絲（咬得緊）；
• 靈活。

壞處

• 品質差既 MDF 板遇水飽和之後，好容易膨脹破裂；
• 如果唔封實佢哋，喺潮濕既環境嗰度好容易變形或者係膨脹；
• 可能會釋放甲醛（甲醛係一種致癌物質）；
• 切割同打磨既時候可能會釋放引起過敏既嘢，會刺激眼睛同肺；
• 切割既時候，刀片容易變鈍（同其他木板比較）：幾乎必須用碳化鎢既刀片切割工（因為用高速鋼切割，啲刀片好容易變鈍）；
• 雖然 MDF 板既上面無紋理，但係板既裏面確實有一啲紋理，所以如果將螺旋擰入板既時候，喺邊緣既地方通常都會有啲裂開（類似層間分離）。

應用

MDF 喇叭箱

由於 MDF 板既靈活性，所以佢哋經常用喺學校既學生專題研習作業。 用 MDF 製成既板條牆，經常用喺商店裝修行業。由於中密度纖維板既防潮性比較差，所以呢啲板主要係用喺室內。 MDF 既用法好多，可以係原始形式，可以將表面精細打磨再用，亦可以係帶有裝飾覆蓋層既形式。

由於中密度纖維板既表面堅固，所以亦都可以用喺櫥櫃等既家具。

MDF 既密度令佢哋適合用喺管風琴室既牆壁，咁樣做可以令到聲音（尤其係低音）可以從管風琴室反射到大廳。