中山快速公交運輸系統
中山快速公交運輸系統（粵拼：zung1 saan1 faai3 cuk1 gung1 gaau1 waan6 syu1 hai6 tung2），俗稱中山快速公交或者中山BRT，起喺中國廣東省中山市，係中山首條起好嘅快速巴士系統，有七條巴士線同十三個快速巴士站，2014年1月27號正式營運。
目前
編輯首期主線（利和廣場來回火炬公交樞紐站）係行東西兩邊，系統全長十二點六公里，營運、管理都係由中山市公共交通運輸集團有限公司負責，主要係負責營運系統、統一調度巴士同管理工作。
背景
編輯- 2011年，喺中山市人大十三屆六次會議，中山《政府工作報告》講到：要實施「交通先行再先行，公交優先再優先」嘅交通基礎設施發展戰略。[1]
- 2011年3月，中山市啟動《中山公共交通發展戰略》研究，經過七個月嘅深入分析，《中山市公共交通發展戰略》通過國家級專家評審，入面提到要起「一環、二交叉、三橫、四縱、五輔」嘅快速公交骨架網絡。
- 2012年4月，十四屆五次市政府常務會議研究同意要實行《中山市公共交通發展戰略》。[2]
- 2013年5月31號，中山市快速公交系統示範線工程可行性研究通過評審，馬上開始設計、報建之類嘅工作。
- 2013年10月21號，快速公交示範線工程開工，工期係九十日。[3]
- 2014年1月27號上晝九點半，第一班試運營嘅快速巴士出車。
- 2014年7月18號，開通支線B13（大嶺來回東利）、B15（利和廣場來回中山樹木園），優化調整支線B11（人民醫院來回城軌中山站）變成（中儀花園來回城軌中山北站），而且延長咗B1、支線B10同支線B12嘅營運時間。[4]
- 2015年10月2號，開通支線B17（博愛醫院正門來回中山港客運碼頭），成為中山第一個用咗雙層巴士嘅線路。
- 2016年5月28號，開通支線B16（城南客運站來回英聯時代廣場）。
車隊
編輯中山快速巴士嘅車隊有：
- 廈門金龍XMQ6180AGN5 六架
- 廈門金龍XMQ6127AGN4 十五架
- 廈門金龍XMQ6900AGN5 六十架
- 廈門金龍XMQ6115SGN5 五架（雙層巴士）
其中，廈門金龍XMQ6900AGN5同XMQ6115SGN5車型左右兩邊都有上落門，門嘅設計「左一右二」嚟配合站台設計，其餘兩款都係左側開門。
搭乘方法
編輯乘客可以行過斑馬線出入月台，喺入快速巴士月台時要喺月台出面入咗錢或者拍咗中山通先可以入月台，唔分路程統一兩蚊人民幣一個人，用中山通拍卡畀錢可以享受中山市政府嘅補貼優惠政策。入咗月台之後睇上面指示牌而去到想搭路線閘口前等車，喺快速巴士系統月台入面只要唔出站就可以免費轉乘其他快速巴士路線。而唔係快速巴士路線嘅巴士係唔會行入快速巴士專用道，只會喺路邊嘅一般巴士站度上落。而火炬公交樞紐站就比較特別，如果要乘搭相反方向嘅快速巴士線，係要出咗月台再畀錢入個月台先可以搭。
車站
編輯由西到東一共起咗十三座島式月站巴士站，而月台上面有免費嘅無線上網同即將到站嘅電子資訊板。
| 快速巴士站 | 英文站名 | 路線 | 區域 |
|---|---|---|---|
| 利和廣場 | Lihe Plaza | B1、B10、B15、B16 | 中山市 |
| 庫充 | Kuchong | B1、B10、B11、B16 | |
| 農商銀行東區支行（亨尾） | Eastern Branch of ZSRC (Hengwei) | ||
| 中山日報 | Zhongshan Daily | B1、B16、B17 | |
| 英聯時代廣場 | Yinglian Times Square | ||
| 天奕國際廣場 | Tianyi International Plaza | B1、B17 | |
| 領秀城 | Leshow | ||
| 陵崗 | Linggang | B1、B12、B17 | |
| 大嶺 | Daling | B1、B12、B13、B17 | |
| 江陵東路 | Jianglingdong Road | B1、B17 | |
| 環茂一路 | Huanmao No.1 Road | ||
| 康樂大道 | Kangle Road | ||
| 火炬公交樞紐站 | Huoju Bus Hub | B1、B12 |
路線
編輯有一條主線同七條支線，其中主線係從利和廣場去到火炬公交樞紐站，全程都喺快速巴士專道入面，其余七條支線有部分路程會行出快速巴士專道。而所有行經快速巴士線都統一用「B」字做開頭。
| 巴士線 | 頭尾站 | 行入快速巴士專道 | 行出快速巴士專道 | 行經快速巴士專道站數 |
|---|---|---|---|---|
| B1 | 利和廣場 ↔ 火炬公交樞紐站 | 利和廣場 | 火炬公交樞紐站 | 13 |
| B10 | 中山汽車總站 ↔ 市博覽中心 | 利和廣場 | 農商銀行東區支行（亨尾） | 3 |
| B11 | 城軌中山北站 ↔ 中儀花園 | 庫充 | 農商銀行東區支行（亨尾） | 2 |
| B12 | 城軌中山站 ↔ 火炬公交樞紐站 | 大嶺 | 陵崗 | 2 |
| B13 | 大嶺 ↔ 東利 | 大嶺 | - | 1 |
| B15 | 利和廣場 ↔ 中山樹木園 | 利和廣場 | - | 1 |
| B16 | 城南客運站 ↔ 英聯時代廣場 | 利和廣場 | 英聯時代廣場 | 5 |
| B17 | 博愛醫院正門 ↔ 中山港客運碼頭 | 中山日報 | 康樂大道 | 9 |
攷
編輯- ↑ （簡體中文）〈2011年政府工作報告〉。原著喺2015年6月4號歸檔。
- ↑ （簡體中文）〈公交的台階和台階上的公交——中山公交集團落實薛曉峰書記「公交再上新台階」指示紀實〉。原著喺2016年3月4號歸檔。
- ↑ （簡體中文）〈中山快速公交示範線昨開工〉。
- ↑ （簡體中文）〈關於新開、優化調整快速公交線路的通告〉。原著喺2015年2月27號歸檔。喺2015年6月22號搵到。