中華廣場 (廣州)
中國廣東廣州一大型商場
中華廣場（粵拼：zung1 waa4 gwong2 coeng4）係中國廣東省廣州市入面嘅其中一間好出名嘅商業中心。呢間嘢喺越秀區中山三路同較場西路嘅交界附近，隔籬有間中華國際中心同流行前線，對面冇幾遠就係烈士陵園。呢間嘢喺1996年開始逳手起，1999年底起好并正式開業。
.jpg)
負責方 編輯
呢間廣場係由香港昌盛集團同埋廣州新星實業公司挾埋一齊成立嘅廣州興盛房地產發展有限公司嚟開發。
性質 編輯
- 佔地面積：
- 全體35000平方米
- 商場建築面積：170000平方米
- 寫字樓建築面積：120000平方米
- 全體35000平方米
- 日平均客流量：
- 平時有300000人次
- 黃金周可以去到700000人次
佈局 編輯
- 0樓：CK、TOMMY、MANGO、THEME等好多國際嘅名牌衫褲，出名嘅運動休閒衫褲用品，名貴嘅珠寶首飾同現代家用電器。
- 1樓：有COZZI、CITY CHAIN等港澳台、中國內地嘅出名品牌嘅名牌專賣鋪。
- 2樓：有H&M歐洲品牌時裝鋪同有好多國家出名嘅品牌時裝商鋪，重有銀行同䤵髮鋪。
- 3樓：有百佳廣州TASTE店同埋好多種潮流服飾同埋流行嘅衫褲鋪頭，重有電子遊戲中心響度。
- 4樓：中華數碼城。有好多數碼科技產品同現代家用電器賣。
- 5樓：中華百貨，入面有黃金珠寶、化妝品、男女服飾、鞋類、運動、童裝、內衣等好多種時尚名品鋪嘅嘢。
- 6樓：文化城，入面有影音產品、古董、工藝品同埋兒童玩具。另外重有個美食廣場，入面有全球範圍內出嘅特色餐廳。
- 7樓：美食城，入面有中式、東南亞同埋韓日等特色美食，附近重有間兒童遊樂中心。
- 8樓：入面有五星級豪華嘅中華廣場電影城同埋國際大型連鎖式嘅健身中心——力美健健身俱樂部
- 9樓：量販式KTV
配套 編輯
喺商場嘅北面重有成個中國入面最長嘅戶外觀光𨋢響度，而呢條𨋢可以直接去到7樓，入面可以睇嗮成個東山區嘅靚景；喺-4樓～-1樓重有廣州市區入面，規模比較大卡其自動化停車場，入面有成千幾個機動車停車位；而廣場嘅東面重有大型電子彩屏，佢係用嚟唔停噉播啲中國大陸嘅地區新聞、公益宣傳片、相關信息發佈同埋商業廣告；而北門附近重有差唔多成千平方米嘅戶外大廣場，嗰度可以辦邊種大、中型嘅推廣都得。