中華民國邦交國
中華民國邦交國係指同中華民國有正式外交關係嘅主權國，視中華民國政府係中國唯一合法代表政府。1949年國府遷臺之前，中華民國邦交國有52個（嗰年聯合國成員國有59個），不過中華人民共和國成立之後，一年之內就淨返38個，但唔少主要國家都仍然有建交；到1971年中華人民共和國取代中華民國嘅聯合國席位之後，邦交國數量再一次大跌，到1978年得返22個，之後隨住各個主要國家都陸續斷交，邦交國數量都係加少減多。1992年南韓同中華民國斷交之後，中華民國就冇嗮亞洲嘅邦交國同埋已發展國家嘅邦交國。
.svg)
自2016年5月蔡英文就職中華民國總統起至2023年3月，聖多美普林西比、巴拿馬、多明尼加、布基納法索、薩爾瓦多、所羅門群島、基里巴斯、尼加拉瓜同洪都拉斯九國先後同中華民國斷交。2024第16任總統選舉後瑙魯宣布斷交，中華民國目前剩低一打邦交國。
.svg){kind=small}