中間主義

中間主義（英文：Centrism）係一種政治觀點，一般主張以中庸嘅態度解決問題，同反對政治變革^[1]。奉行呢種觀點嘅派別叫做中間派。中間派嘅政治觀點介乎喺左翼同右翼之間。喺多黨制國家嘅選舉裏面，中間派選民通常會受到各方重點關注同拉攏。

中間派通常反對過度激進或者過度保守，主張採取各方面比較平衡嘅政策，反對以固定嘅社會主義或資本主義嚟指導同制訂政策，而認為政策應該根據情況唔同而隨機應變，以攞到最佳嘅效果為目標。

另外，中間派一般比較難喺左翼同右翼界定政治勢力，或者喺兩大政治陣營之中揾到平衡。