丹麥王儲克努

丹麥王儲克努(丹麥文:Arveprins Knud til Danmark,又譯克努德1900年7月27號1976年6月14號),全名克努·基斯頓·費特力·米蕭(丹麥文:Knud Christian Frederik Michael),丹麥王室成員,國王基斯頓十世細仔、費特力九世細佬,1947年至1953年係丹麥王儲。後嚟因為改咗繼承法,侄女瑪嘉烈公主升為王儲,而克努亦降做王子。

丹麥王儲克努
Prins Knud.jpg
丹麥王儲
在位1947年ー1953年
前任費特力九世
繼任瑪嘉烈二世
私人明細
配偶嘉芙蓮-瑪蒂爾德公主
仔女伊莉莎白公主
英戈夫王子
基斯頓王子
基斯頓十世
亞歷珊德蓮王后
出世(1900-07-27)1900年7月27號
丹麥 丹麥羅森堡寧比
過世1976年6月14號(1976-06-14)(75歲)
丹麥 丹麥哥本哈根

簡歷

 
1912年,克努(右)同大佬費特力嘅合照

克努1900年響羅森堡寧比無憂宮出世,係基斯頓王子亞歷珊德蓮王后共同嘅第二個細路,有一個比佢大一歲嘅大佬費特力。阿爺係時任王儲費特力,太爺係時任國王基斯頓九世

1906年,太爺基斯頓九世走咗,阿爺費特力繼位,老豆升為王儲。1912年,阿爺費特力走咗,老豆基斯頓登基做國王,而克努就升為王位第二繼承人。

克努響海軍學院接受教育,畢業之後亦加入海軍。響德國佔領丹麥之前,佢曾經係Dragør Fort嘅指揮官;當德國攻入丹麥嗰陣,佢響8月申請調離崗位。呢段時期,佢參加咗一個反抗德國嘅組織AMPA。

1947年,老豆基斯頓十世走咗,由大佬費特力繼位,係費特力九世。由於費特力九世冇仔(得三個女),而當時丹麥嘅王位繼承法又淨係畀男人繼位,所以克努係假定王位繼承人,畀人封為「Hereditary Prince」(王儲)。如果克努成功登基做國王,咁佢嘅稱號就係「克努七世」。

但係響1953年,丹麥改咗王位繼承法,由原先嘅一定由男人繼位,改為男人有優先權,但係如果國王冇仔,都可以畀個女繼承;換言之就算費特力冇仔,都可以畀佢大女繼位。結果響同年,費特力個大女瑪嘉烈公主升為王儲,而克努一下子變成王位第四繼承人,排響費特力三個女嘅後面;銜頭亦由王儲變成王子。

1972年大佬費特力走咗,侄女瑪嘉烈公主登基做瑪嘉烈二世。1976年6月14號,克努王子響哥本哈根根措夫特走咗,終年七十五歲,葬響羅斯基勒主教座堂。

屋企

1933年,佢同堂細妹嘉芙蓮-瑪堤爾德公主哈爾王子個女、費特力八世個孫)響弗登斯堡宮結婚,有兩個仔一個女:

  • 伊莉莎白公主(1935年5月8號-2018年6月19號),曾經係丹麥外交部人員,冇結婚冇仔女
  • 英戈夫王子(1940年2月17號-),羅森堡伯爵,冇仔女,因為同平民結婚而冇咗王位繼承權
  • 基斯頓王子(1942年10月22號-2013年5月21號),前羅森堡伯爵,因為同平民結婚而冇咗王位繼承權,有三個女