主日拉丁文dies dominica,源自通用希臘文:he kuriake hemera)即係主嘅日子,亦稱為禮拜日,喺基督宗教傳統裏面,即係星期日,喺呢日,基督徒會舉行宗教儀式。大部分基督徒按照新約聖經四福音書嘅記載,相信耶穌復活發生喺「七日嘅頭一日」,遵守呢日作為紀念。呢個傳統開始喺基督教歷史嘅最初時期,喺每個星期日早上聚集敬拜主耶穌基督,因此稱為「主日」。

聖經上提到耶穌死亡嘅當日過咗傍晚係安息日;傳統認為係指星期五嘅日落到星期六嘅日落嘅一般安息日,而唔係大節引致嘅其他安息日,而耶穌 「三日後復活」 傳統上亦都理解做喺第三日復活,所以推算為星期日。

睇埋 編輯