主管資訊系統

主管資訊系統（executive information system，EIS）係管理資訊系統嘅一種。一個主管要做嘅係將有關間企業嘅重要數據整合埋一齊，再將整合得出嘅資訊用易睇嘅方式呈現出嚟，攞去俾行政總裁等嘅高層用嚟幫佢哋做決策。

高層喺做決策嗰陣會想要嘅數據包括咗反映企業表現嘅數據（例：間企業嘅營業額、每件產品帶嚟咗幾多營業額... 等等）、反映市場形勢嘅數據（例：啲消費者係透過乜途徑接觸到啲產品嘅資訊嘅、啲消費者嘅入息有冇乜嘢明顯嘅變化... 等等）同埋幫間企業定立未來嘅策略定位。一個主管資訊系統會攞呢啲數據，將啲數據做好分類，再用易睇嘅方式呈現出嚟^[1]。