乃木坂46（日文：のぎざか フォーティーシックス Nogizaka Fōtīshikkusu）係日本女子偶像團體，喺2011年8月21號成立；佢哋出道嗰陣係擺咗一個定位，就係另一個女子偶像團體AKB48嘅「官方對手」（公式ライバル），有獨立嘅營運團隊，行銷策略同組合風格都同AKB48系列組合唔同，不過總製作人都係秋元康。而家有36個成員，其中隊長係梅澤美波。佢同2015年8月21號成立嘅櫸坂46（後面改名做櫻坂46）、2018年8月20號成立嘅吉本坂46，同2019年2月11號從櫸坂46獨立嘅日向坂46，一齊組成大型偶像團體系列「坂道系列」。
