亂碼

亂碼係指電腦系統顯示唔到正確嘅字符，而顯示一啲無意義嘅字符或空白，例如一堆代碼；呢啲所顯示出來嘅文字就係稱為亂碼。

網頁因為缺字（喺爾度係冇漢字字型）而出現嘅亂碼現象
頁面：日文維基百科文章《書体》
對應於粵文維基百科文章《字體》

網頁因為用錯內碼而出現嘅亂碼現象

亂碼本來係指電腦檔案或者程式用嘅內碼唔係用家用緊嘅內碼，所以顯示出錯，後來引伸指所有睇落亂來lyun2 lei4嘅嘢或者亂咗嘅文字。同用錯內碼無關嘅亂碼可以係因為字款缺字、程式出錯、又或者個檔案根本唔係文字等等。

由用錯內導致嘅亂碼喺2020年代基本上已經唔係問題，因為大部分系統已經轉咗用統一碼；喺網上仍然遇到嘅亂碼問題好多時係多次編碼錯誤，屬於無法修復嘅情況。

可能產生嘅原因

用錯內碼

• 來源編碼錯誤。
• 軟件解碼錯誤。

例如瀏覽器將GBK碼當成係Big5碼顯示，或電子郵件程序將對方傳來嘅郵件錯誤解碼。如果喺發送時編碼錯誤。如果解碼錯誤之後再編碼錯誤，結果可能會無法修復，需要寄件者嘅電郵程序重新編碼再寄等等。

其他原因

• 字體檔案缺字。
• 文件受到破壞。

可能解決嘅方法

• 轉換編碼。如果係漢字內容一般可以試Big5、GBK、UTF-8（統一碼嘅一種形式）、EUC-JP、Shift-JIS（日文）、EUC-KR（韓文）。喺2020年代基本上已經唔係問題，有啲瀏覽器亦唔再有轉換編碼嘅功能。
• 轉字體。如果解碼正確而出現錯誤文字，可能係有可能係字款缺字，即係字體檔案冇相對應嘅字符，可嘗試換字體。呢種情況喺用 Word 處理英文比㝔常見。
• 如果啲字變咗數字，例如最欣賞相中拉（最欣賞相中拉）等Unicode代碼，可以將呢部分抄低，獨立儲存成html檔案，再用瀏覽器打開解碼。或者可以直接用JavaScript作解讀︰

  alert("最欣賞相中拉");
  

• 有時輸入漢字嘅時候都會出現亂碼，不過呢種情況好少出現。最大嘅原因係輸入法所用嘅編碼，同經編輯器輸出嘅字體編碼不符所致。解決方法係將輸入法設定成編輯器預期嘅編碼，或者將編輯器設定成用輸入法用嘅編碼。

有時解碼嘅方法係要視乎軟件同實際環境，同埋努力嘅嘗試嚟解碼，特別係當你唔知原本用邊個編碼系統。

睇埋

• 編碼（encode）
• 解碼（decode）
• 字體檔案（font file）
• 外字（UDC）
• 香港增補字符集（HKSCS）
• 中文亂碼
• Microsoft AppLocale

出面網頁

• 郵件亂碼
• E-mail乱码解码器（简体中文）
• E-mail亂碼解碼器（繁體中文）
• E-mail乱码解码器