二仁溪

二仁溪喺臺灣西南部，屬於中央管河川，舊名叫二層行溪，取自中下游聚落名。亦係高雄市同臺南市嘅界河，源頭喺高雄市內門區木柵里山豬湖（海拔460公尺），主流長度約63.20km。

二仁溪
二仁溪出海口同高雄茄萣，左上隔河係臺南市灣裡（2006年）
起源	臺灣高雄市內門區木柵里山豬湖
出海口	臺南市南區灣裡同高雄市茄萣白沙崙
流過嘅國家	臺灣
長度	63.2公里（39英里）
源頭海拔	460米（1,509英尺）
分水嶺大細	350.4平方公里（135平方英里）

經黃魏慶先生踏查證實二仁溪源頭唔係山豬湖，並已搵到「最高嘅出水口」為證。山豬湖只係一個地名，研判應該係跟「畚箕湖」嘅意思相同，而家係一片果園，但不論佢係唔係「曾經係個湖」，佢喺分水嶺嘅東坡，屬楠梓仙溪流域中溝坪溪水系，水流無法流向二仁溪。佢附近水塘係「山尾埤」，喺稜線上，但溢水口亦注入溝坪溪水系。

簡介

二仁溪上游（喺高雄內門區觀亭里同內南里之間）

二仁河段又有唔同嘅名，上游喺崗山頭以上叫分水溪，中游叫岡山溪，其中下游叫角帶圍溪，到下游至叫做二層行溪或二贊行溪。出海口原來向西南經劉厝出海嘅主河道，喺道光三年七月因暴風雨，出海口轉向改道西北由高雄市茄萣區白砂崙北方入海。主要支流有三爺宮溪、深坑子溪、港尾溝溪、松子腳溪同牛稠埔溪；流域面積達350.04km2。荷治時期叫作清水溪（de Verse Rivier，英文意思：the Fresh River）。