二沙島體育公園（粵拼：ji6 saa1 dou2 tai2 juk6 gung1 jyun2） 係中國廣東省廣州市嘅公園，喺2010年9月起好，2012年3月~5月搞過二期擴建，位置喺二沙島嘅東邊，隔離冇幾遠係廣州大橋。呢間公園係廣州市政府為咗迎接亞運會而起嘅。
公園有1個五人制足球場、2個標準籃球場，3個羽毛球場，其它重有乒乓波場、門波場、地掟波場、老年運動區、成年運動區、細路運動區、棋藝園、環園單車道等12個群眾健身項目。
