五十鈴巴士製造

五十鈴巴士製造（いすゞバス製造株式会社）係日本一間巴士車身製造廠。

公司係喺1974年由川崎重工業分拆出嚟，當時係叫川重車體工業（川重車体工業株式会社）。1986年川重車體工業（唔包括冷凍車事業）成為五十鈴同埋川崎重工業嘅合資企業，並改名IK Coach（アイ・ケイ・コーチ株式会社）。

1995年，IK Coach改名為五十鈴巴士製造，同年接收北村製作所嘅巴士車身生產業務。1997年五十鈴巴士製造成為五十鈴全資附屬公司。